بۇگىن اۋداندار مەن قالالاردىڭ 45 اكىمى سايلانادى

اۋدان، وبلىستىق ماڭىزى بار قالا اكىمىن سايلاۋدى ءتيىستى اۋماقتىق سايلاۋ كوميسسياسى ءماسليحاتتىڭ شەشىمىمەن بەلگىلەنگەن اۋدان، وبلىستىق ماڭىزى بار قالا اكىمىن سايلاۋدى وتكىزەتىن كۇنگە دەيىن كەمىندە 50 كۇن بۇرىن تاعايىندادى، دەپ حابارلايدى Almaty-akshamy.kz.

سايلاۋ كۇنى تۋرالى حابارلاما جەرگىلىكتى بۇقارالىق اقپارات قۇرالدارىندا جاريالاندى.

17 وبلىستىڭ ءماسليحاتتارى پيلوتتىق رەجيمدە سايلاۋ وتكىزۋ ءۇشىن 42 اۋدان مەن وبلىستىق ماڭىزى بار 3 قالانىڭ تىزبەسىن بەكىتتى.

سايلاۋ 5 قاراشاعا بەلگىلەندى.

كانديداتتاردى تىركەۋ سايلاۋ كوميسسياسى بۇكىل قاجەتتى قۇجاتتاردى العاننان كەيىن باستالدى جانە سايلاۋ كۇنىنە 25 كۇن قالعاندا جەرگىلىكتى ۋاقىت بويىنشا ساعات 18.00-دە اياقتالدى.

ال كانديداتتاردىڭ سايلاۋ الدىنداعى ۇگىتى كانديداتتاردى تىركەۋ مەرزىمى اياقتالعان ساتتەن باستالىپ، سايلاۋ كۇنىنە 25 كۇن قالعاندا جانە سايلاۋ كۇنىنە دەيىنگى كۇننىڭ جەرگىلىكتى ۋاقىتى بويىنشا ساعات 00.00-دە توقتاتىلدى.

سايلاۋ الدىنداعى ۇگىتتى وتكىزۋ سايلاۋ تۋرالى كونستيتۋسيالىق زاڭمەن رەتتەلگەن.

باسقا كانديداتتارمەن سالىستىرعاندا داۋىس بەرۋگە قاتىسقان سايلاۋشىلاردىڭ كوپ داۋىسىن جيناعان كانديدات سايلانعان اكىم بولىپ سانالادى.

اۋماقتىق سايلاۋ كوميسسيالارى اۋداندار مەن وبلىستىق ماڭىزى بار قالالاردىڭ اكىمدىگىنە 164 كانديداتتى تىركەدى. ولاردىڭ 69-ىن ساياسي پارتيالار، ال 95ء-ى ءوزىن-وزى ۇسىندى.

تىركەلگەن ۇمىتكەرلەردىڭ ورتاشا جاسى — 46،4 جاس. ەڭ جاسامىس ۇمىتكەر ماڭعىستاۋ وبلىسىنىڭ بەينەۋ اۋدانىندا — 61 جاستا، ەڭ جاسى تۇركىستان وبلىسىنىڭ ماقتاارال اۋدانىندا — 29 جاستا.

ۇمىتكەرلەردىڭ كوپشىلىگى — ەر ادامدار. سونىمەن بىرگە 10 ايەل تىركەلگەن.

تىركەلگەن كانديداتتاردىڭ 20،73 پايىزى — ەكونوميست، 19،51 پايىزى — زاڭگەر، 16،46 پايىزى — وقىتۋشى، 12،2 پايىزى — ينجەنەر، 11،59 پايىزى — اۋىل شارۋاشىلىعى مامانى جانە 19،51 پايىزى — باسقا ماماندىق وكىلدەرى.

اۋداندار مەن وبلىستىق ماڭىزى بار قالالار اكىمىنىڭ سايلاۋىنداعى ورتاشا باسەكە 3-تەن اسادى.

ەڭ جوعارى باسەكە جەتىسۋ وبلىسىنىڭ كەربۇلاق اۋدانىندا — ءبىر ورىنعا 6 كانديدات.

ەڭ تومەنى اقمولا وبلىسىنىڭ شورتاندى اۋدانىندا — ءبىر ورىنعا 2 كانديدات.