رەسپۋبليكا اۋماعىنىڭ باسىم بولىگىندە ءالى دە تۇراقسىز اۋا رايى ساقتالادى.
«قازگيدرومەت» ماماندارى 23-25 شىلدەسىنە ارنالعان اۋا رايى بولجامىن ايتتى، دەپ حابارلايدى Almaty-akshamy.kz.
رەسپۋبليكا اۋماعىنىڭ باسىم بولىگىندە ءالى دە تۇراقسىز اۋا رايى ساقتالادى، جاڭبىر جاۋادى. 25 شىلدەدە ەلدىڭ سولتۇستىك-باتىسىندا قاتتى جاڭبىر جاۋىپ، نايزاعاي، داۋىل، بۇرشاق كۇتىلەدى.
«ەلىمىزدىڭ وڭتۇستىك-شىعىسىندا عانا كەزەڭ بويى جاۋىن-شاشىنسىز اۋا رايى بولماق. قازاقستاننىڭ وڭتۇستىگىندە شاڭدى داۋىل بولجانادى»، - دەلىنگەن سينوپتيكتەردىڭ بولجامىندا.
كۇندىزگى ۋاقىتتا رەسپۋبليكانىڭ باتىس جارتىسىندا اۋا تەمپەراتۋراسى +27 +42°س-تان +23 +35°س-قا دەيىن تومەندەيدى. ال اۋا تەمپەراتۋراسىنىڭ ازداپ كوتەرىلۋى ەلدىڭ سولتۇستىك-باتىس، ورتالىق وڭىرلەرىندە كۇتىلەدى: مۇندا تەرمومەترلەر + 25 +38°س بەلگىسىنە جەتەدى، رەسپۋبليكانىڭ سولتۇستىگىندە، شىعىسىندا بولسا تەمپەراتۋرالىق فون +22 +30°س-قا، وڭتۇستىگىندە، وڭتۇستىك-شىعىسىندا +34 + 46°س دەيىن وتە قاتتى ىستىق ساقتالادى.