بىلتىر بۇل كورسەتكىش 33 مىڭنىڭ اينالاسىندا بولعان.
جاڭادان سالىنىپ، پايدالانۋعا بەرىلىپ جاتقان مەكتەپتەر ورىن تاپشىلىعى ماسەلەسىن شەشە الار ەمەس. سەبەبى جىل سايىن وقۋشىلار سانى 14 مىڭعا دەيىن كوبەيەدى، دەپ حابارلايدى Almaty-akshamy.kz «حابار 24» سايتىنا سىلتەمە جاساپ.
مەگاپوليستە وسى جىلدىڭ سوڭىنا دەيىن 18 ءبىلىم مەكەمەسى پايدالانۋعا بەرىلەدى. مامانداردىڭ ايتۋىنشا، الماتى قالاسى - تابيعي ءوسىم بويىنشا دا، كوشى-قون بويىنشا دا حالىق سانىنىڭ ءوسۋ قارقىنى جوعارى وڭىرلەردىڭ ءبىرى.
«سوندىقتان وسىنداي جاعداي قالىپتاسىپ وتىر»، – دەيدى ماماندار. شاھاردا بالاباقشا ماسەلەسى دە وزەكتى. قالادا بارلىعى 75 مىڭ 500-دەن اسا بالانى قامتيتىن 866 مەكتەپكە دەيىنگى ۇيىم بار. ونىڭ 200-گە جۋىعى مەملەكەتتىك، قالعانى تۇگەلدەي جەكەمەنشىك. ءبىراق وسىنىڭ ءوزى ازدىق ەتەدى.
"قازىرگى تاڭدا الماتى قالاسىنىڭ 30 جىلعا دەيىنگى دامۋ جوسپارى بار. قازىرگى تاڭدا ءبىرىنشى قىركۇيەكتە 3 مەملەكەتتىك مەكتەپ اشىلۋعا دايىن تۇر. ول "قالقامان"، "سايالى"، "توميريس" ىقشاماۋداندارىندا ءۇش مەملەكەتتىك مەكتەپ اشىلۋعا دايىن تۇر. الماتى قالاسىندا جانە الاتاۋ اۋدانىندا تاعى 5 مەكتەپ سالىنۋدا. الماتى قالاسىندا كىشكەنتاي بالالاردىڭ سانى جىل سايىن 8-9 مىڭعا كوبەيىپ وتىر. الماتى قالاسىندا 6-7 مىڭ ورىن اشىپ وتىرمىز. بۇرىننان كەلە جاتقان اۋدانداردا بالاباقشا سالاتىن جەر جوق. بالاباقشالاردى كوبىنە سىرت جاقتان سالىپ جاتىرمىز"، - دەيدى قالالىق ءبىلىم باسقارماسىنىڭ مەكتەپكە دەيىنگى تاربيە ءبولىمىنىڭ باسشىسى ءاليا ساعييەۆا.