ەلدىڭ وڭتۇستىك وڭىرلەرىندە كۇن 39 گرادۋسقا دەيىن ىسيدى.
"قازگيدرومەت" 18-20 ماۋسىمعا ارنالعان اۋا رايى بولجامىن جاريالادى، دەپ حابارلايدى Almaty-akshamy.kz
رەسپۋبليكانىڭ بارلىق اۋماعىندا اۋا رايىنىڭ قۇبىلمالى سيپاتى ساقتالادى.
قىسقا مەرزىمدى جاڭبىر جاۋادى. 20 ماۋسىم كۇنى بولسا وڭتۇستىكتىڭ تاۋلى ايماقتارىندا قاتتى جاڭبىر جاۋىپ، كۇن كۇركىرەيدى، بۇرشاق جاۋادى، جەل كۇشەيەدى، وڭتۇستىكتە شاڭدى داۋىل بولادى دەپ بولجانۋدا.
قازاقستاننىڭ باتىسىندا تۇندە 12-23 جىلى، كۇندىز 23-36 گرادۋس ىستىق، ال ەلدىڭ سولتۇستىتىندە 33 گرادۋسقا دەيىن ىستىق بولادى.
قازاقستاننىڭ وڭتۇستىك وڭىرلەرىندە اۋا تەمپەراتۋراسى كۇندىز 34-39 گرادۋسقا دەيىن كوتەرىلەدى.