تەرەكۋر – قالانىڭ ورتاق مەنشىگى
اماتىلىقتار تەررەنكۋردە جۇرەتىن ەلەكتروساموكات قوزعالىسىنا نارازى. ولار تىيىم سالۋ بەلگىلەرىنە نەمقۇراي قارايتىنىن جانە جازاسىز قالىپ وتىرعانىن ايتتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«تەرەكۋر – قالانىڭ ورتاق مەنشىگى. سوندىقتان جاۋاپتى ادامدارعا بارلىق بەلگىلەردى قالپىنا كەلتىرۋدى تاپسىردىم. جىلجىمالى كۇزەت قىزمەتتەرىن قۇرامىز، پوليسيا دەپارتامەنتىنە ەرەجەنىڭ ساقتالۋىن ءجىتى قاداعالاۋدى تاپسىردىم. اۋدان اكىمى بۇل ماسەلەنى باقىلاۋدا ۇستايتىن بولادى»، - دەدى شاھار باسشىسى.
ءوز كەزەگىندە الماتى قالالىق پوليسيا دەپارتامەنتىنىڭ باستىعى قانات تايمەردەنوۆ اتالعان اۋماقتا بۇگىنگى كۇنى بارلىق بەلگىلەر تولىعىمەن قالپىنا كەلتىرىلىپ، پوليسيا جاساقتارى كۇشەيتىلگەنىن ايتتى.
«ءبىز كۇن سايىن كەم دەگەندە ءۇش ادامدى جاۋاپقا تارتامىز - بۇل ەلەكتروساموكات مىنگەندەر. نەگىزىندە ول جاققا كامەلەتكە تولماعان بالالار بارادى، سوندىقتان جاۋاپقا ولاردىڭ اتا-انالارىن تارتامىز»، - دەدى دەپارتامەنت باسشىسى.
ەربولات دوسايەۆ قالادا دەپۋتاتتار مەن اكىمدىك قىزمەتكەرلەرى ەلەكتروساموكات قوزعالىسىن رەتتەۋگە قاتىستى ۇسىنىس ازىرلەپ جاتقانىن ايتتى.
«رەتكە كەلتىرەتىن ۋاقىتى كەلدى. تەررەنكۋر اۋماعىندا عانا ەمەس، جالپى قالا بويىنشا»، - دەدى ول.