الماتىدا جاڭا جىلدىق دەمالىس كۇندەرى «102» پۋلتىنە 2 مىڭنان استام قالا تۇرعىندارى قوڭىراۋ شالدى، ال «جەدەل جاردەمگە» 9 مىڭ شاقىرتۋ تۇسكەن
بۇكىل مەگاپوليس دەمالىپ، جاڭا جىل مەرەكەسىن تويلاپ جاتقاندا، پوليسيا، قۇتقارۋشىلار جانە دارىگەرلەر قىزمەتتەرىن توقتاتپادى. الماتىنىڭ وڭىرلىك كوممۋنيكاسيالار قىزمەتى دەمالىس كۇندەرى بولعان وقيعالاردىڭ قىسقاشا شولۋ جاسادى، دەپ حابارلايدى اlmaty-akshamy.kz.
الماتى قالاسى پوليسيا دەپارتامەنتىنىڭ جەدەل باسقارۋ ورتالىعىنىڭ مالىمەتىنشە، مەگاپوليستە ءۇش كۇن ىشىندە 44 قىلمىس تىركەلگەن. ولار نەگىزىنەن تۇرمىستىق سيپاتتاعى وقيعالار. اۋىر جانە اسا اۋىر قىلمىستار تىركەلمەگەن.
پاترۋلدىك ناريادتار، ۋچاسكەلىك ينسپەكتورلار جانە جەدەل قىزمەتكەرلەردىڭ جەدەل ارەكەت ەتۋىمەن 38 قىلمىس اشىلدى. سونىمەن قاتار، جاڭا جىلدىق مەرەكە كۇندەرى پوليسەيلەر 500-دەن استام قۇقىق بۇزۋشىلىقتى انىقتاپ، جولىن كەستى.
وسى كۇندەرى «102» پۋلتىنە 2 مىڭنان استام تەلەفون قوڭىراۋى كەلىپ ءتۇستى، ولاردىڭ باسىم بولىگى – انىقتاما الۋ سيپاتىنداعى اقپارات.
وسى مەرەكە كۇندەرى الماتىنىڭ ءۇش مىڭنان استام پوليسەيى قالادا قىزمەت وتكەرۋدىڭ كۇشەيتىلگەن نۇسقاسى نەگىزىندە قۇقىقتىق ءتارتىپتى قامتاماسىز ەتتى. دەمالىس كۇندەرى پاترۋلدىك ناريادتار سانى ۇلعايتىلدى، قىزمەت وتكەرۋ مارشرۋتتارى تىعىز ورىندالدى، ۇلتتىق ۇلاننىڭ 300 اسكەري قىزمەتكەرى جاياۋ پاترۋلدەۋگە تارتىلدى.
جالپى الماتىدا جاڭا جىل سالىستىرمالى تۇردە تىنىش ءوتتى. بۇنى تج دەپارتامەنتىندەگىدەر دە اتاپ ءوتتى. قۇتقارۋشىلار، پوليسيا قىزمەتكەرلەرى سياقتى، قىزمەت وتكەرۋدىڭ كۇشەيتىلگەن نۇسقاسىنا اۋىستىرىلدى. ايتقانداي، ولار وسىنداي رەجيمدە 6 قاڭتاردا دا ساعات 09.00-دەن 2024 جىلدىڭ 8 قاڭتارى ساعات 09.00-گە دەيىن روجدەستۆودا قىزمەتىن جالعاستىرادى. الماتى تجد دەرەكتەرى بويىنشا مەرەكەلىك ءۇش كۇندە قۇتقارۋشىلار 31 رەت شاقىرۋ بويىنشا وقيعا ورىندارىنا باردى، ونىڭ 10-ى ورتكە بايلانىستى. قازا تاپقاندار تىركەلگەن جوق.
الماتى قالاسى قدسب جەدەل مەديسينالىق جاردەم قىزمەتىندە جاڭا جىلدىق دەمالىس قورىتىندىسى بويىنشا جاعدايعا تۇسىنىكتەمە بەردى. حابارلانعانداي، 9 مىڭعا جۋىق ادام الماتى قالاسىنداعى جاڭا جىلدىق مەرەكە كۇندەرى «103» پۋلتىنە جۇگىنگەن.
دارىگەرلەر ءۇشىن 2023 جىلدىڭ 31 جەلتوقسانىنان 2024 جىلدىڭ 2 قاڭتارىنا دەيىنگى ارالىق وڭايعا تۇسپەدى. مەديسينالىق كومەك الۋ ءۇشىن ماماندارعا توعىز مىڭعا جۋىق ادام جۇگىندى. قالا تۇرعىندارى مەن قوناقتارى نەگىزىنەن دەنە قىزۋىنىڭ كوتەرىلۋى مەن جوتەلگە شاعىمداندى.
سونىمەن قاتار، ءارتۇرلى جاراقات العان ناۋقاستار اۋرۋحانالارعا جەتكىزىلدى. پيروتەحنيكالىق قۇرالداردان جاراقاتتانۋ مەن كۇيىك شالۋدىڭ 13 جاعدايى انىقتالدى جانە 733 جرۆي دياگنوزى تىركەلدى.
جەدەل مەديسينالىق جاردەم قىزمەتىنىڭ اعا دارىگەرى اقمارال اسانوۆا ەگەر تاۋلىگىنە 4000-عا جۋىق ءوتىنىش تۇسسە، مەرەكە كۇندەرى ولاردىڭ سانى 7000-عا جۋىق وتىنىشكە دەيىن كوبەيگەنىن ايتتى.
ايتا كەتەيىك، الماتى قالاسىندا الماتى قالاسىنىڭ بارلىق حالقى مەن قوناقتارىن 100% قامتيتىن 12 قوسالقى ستانسيا جۇمىس ىستەيدى. كۇن سايىن كەزەكشىلىككە 186 جەدەل مەديسينالىق جاردەم بريگاداسى قاتىسادى. جەدەل جاردەم قىزمەتكەرلەرى مەديسينالىق كومەك كورسەتۋ بويىنشا وزدەرىنىڭ فۋنكسيونالدىق مىندەتتەرىنە جاۋاپكەرشىلىكپەن قارايدى.
