قىركۇيەكتە اشىلاتىن تەاتر 3 جاڭا سپەكتاكلدى ساحنالايدى. سوعان سايكەس ونەر ورداسىنىڭ تەحنيكالىق، قۇرامدىق جانە رەپەرتۋارلىق جوسپارى ساراپقا ءتۇسىپ، جيىندا جاڭا ارتىستەر دە تانىستىرىلدى.
الماتىداعى «الاتاۋ» ءداستۇرلى ونەر تەاترى كورەرمەنىنە ەسىگىن قايتادان ايقارا اشپاق. بۇگىن جۋىردا باستالاتىن جاڭا ماۋسىمعا دايىندىق جۇمىستارى جولعا قويىلدى، دەپ حابارلايدى Almaty-akshamy.kz Almaty.tv كانالىنا سىلتەمە جاساپ.
«ارىق سويلەپ، سەمىز شىق دەيدى عوي. سول ايتقانداي، جوسپارلارىمىز بار. جاڭادان كوپتەگەن ماماندار، جاستار الىنىپ جاتىر. ەندى ءبارىن جۇمىس بارىسى كورسەتەدى. ءقازىر سول، دايىندىعىمىزدى باستادىق»، – دەدى «الاتاۋ» ءداستۇرلى ونەر تەاترىنىڭ كوركەمدىك جەتەكشىسى جۇلدىزبەك جۇمانباي.
«الاتاۋ» ءداستۇرلى ونەر تەاترى قىركۇيەك-قازان ايىندا تۇركياعا گاسترولدىك ساپارمەن بارادى. باۋىرلاس ەلدەن ارنايى شاقىرتۋ العان ماماندار دايىندىقتى بۇگىننەن باستايمىز دەپ وتىر. سونىمەن قاتار، بۇل ماۋسىمدا تەاتردىڭ دەكوراتيۆتىك شەبەرحاناسى دا اشىلادى.
«الداعى جاڭا ماۋسىمدا بىزدە كوپتەگەن جاڭا شىعارماشىلىق جوبالار بار. ونىڭ اراسىندا ۆيولەنچەل مەن تەاترداعى حالىق اسپاپتارىن قوسىپ، ۇلتتىق اۋەندى جەلىگە شىعارۋ. ەڭ باستاپقىسى، وسى ماۋسىمدا كوپتەگەن مۋزىكالىق اسپاپتار الىپ بەرىپ جاتىر»، – دەدى مۋزىكانت باعجان وكتيابر.