2025 جىلدان باستاپ جالپىعا بىردەي دەكلاراسيالاۋدىڭ ءتورتىنشى كەزەڭى باستالادى.
ونى شامامەن 8 ملن ادام تاپسىرادى، دەپ حابارلايدى aqshamnews.kz El.kz اقپارات اگەنتتىگىنە سىلتەمە جاساپ.
بۇل تۋرالى قارجى مينيسترلىگىنىڭ جەكە تۇلعالاردىڭ كىرىستەرىن اكىمشىلەندىرۋ باسقارماسىنىڭ باس ساراپشىسى ەرسايىن كوپتىلەۋ ۇلى مينيسترلىكتە وتكەن باسپا ءسوز ءماسليحاتىندا ايتتى.
جالپىعا بىردەي دەكلاراسيالاۋدىڭ نەگىزگى ماقساتى – ءادىل سالىق سالۋدى قامتاماسىز ەتۋ، جەكە تۇلعالاردىڭ كىرىستەرىن باقىلاۋ تەتىگىنە الۋ، سىبايلاس جەمقورلىق جانە كولەڭكەلى ەكونوميكامەن كۇرەسۋ. دەكلاراسيالاۋ ءتورت كەزەڭ بويىنشا جۇزەگە اسىپ كەلەدى. بيىل ءتورتىنشى كەزەڭ باستالادى. ونى شامامەن 8 ملن ادام تاپسىرادى، – دەدى ەرسايىن كوپتىلەۋ ۇلى.
250 نىسانى بويىنشا دەكلاراسيانى كىمدەر تاپسىرادى؟
– شەتەلدە مۇلكى بار ازاماتتار
– سوت ورىنداۋشىلارى
– ادۆوكاتتار
– سايلانبالى قىزمەتكەرلەر، دەپۋتاتتار
شەتەلدەگى مۇلىككە نە كىرەدى؟
– جىلجىمايتىن مۇلىك
– كولىك
– شەتەلدىك بانكتەگى ەسەپشوت (مىڭ اەك كولەمىنەن اسقان جاعدايدا)
– ينۆەستيسيالىۇ باعالى مەتالدار
– بروكەرلىك ەسەپشوتتار
270 نىسانى بويىنشا دەكلاراسيانى كىمدەر تاپسىرادى؟
– مەملەكەتتىق قىزمەتكەرلەر جانە ولاردىڭ جۇبايلارى
– زاڭدى تۇلعالار
– اكسيونەرلەر (ۇلەسى 10 پايىزدان اساتىن)
سونىمەن قاتار، ەل اراسىندا مولشەرى 20 مىڭ اەك كولەمىنەن اساتىن مۇلىك ساتىپ العاندار ونى قانداي اقشاعا جانە قالاي ساتىپ العاندارى تۋرالى 270 نىسانى بويىنشا دەكلاراسيا تاپسىرۋعا مىندەتتەلەدى.