ايماق حالقىنىڭ ۇشتەن ءبىرى ۆاكسينالانباعان.
دۇنيەجۇزىلىك دەنساۋلىق ساقتاۋ ۇيىمى ەۋروپالىق ايماقتاعى كوروناۆيرۋستىق ۆاكسيناسياداعى ولقىلىقتار بۇكىل الەم حالقى ءۇشىن ءقاۋىپ توندىرەتىنىن ايتىپ وتىر، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
«ايماق حالقىنىڭ ۇشتەن ءبىرى ۆاكسينالانباعان، ونىڭ ىشىندە دەنساۋلىق ساقتاۋ قىزمەتكەرلەرىنىڭ 25%-ى جانە قارت ادامداردىڭ 20%-ى. ۆاكسينالاۋداعى بۇل ولقىلىقتار بارىمىزگە ءقاۋىپ توندىرەدى»، - دەدى ددۇ باس ديرەكتورى تەدروس ادانوم گەبرەيسۋس.
سپيكەر «سولتۇستىك جارتى شاردا سۋىق اۋا رايى جاقىنداعان سايىن، اۋرۋدىڭ تارالۋىنىڭ ءوسۋى مەن ءولىم-جىتىمنىڭ كوبەيۋىن كۇتۋ ورىندى» دەپ ەسكەرتتى. ول ددۇ ماقسات رەتىندە بارلىق مەملەكەتتەردە حالىقتى ەكپەمەن قامتۋ 70%-دان تومەن ەمەس دەڭگەيدە قويعانىن ەسكە سالدى.
ددۇ-نىڭ ەۋروپالىق ايماعىنا ۇيىمعا مۇشە 53 ەل كىرەدى. ولاردىڭ ىشىندە ەۋروپا مەن ورتالىق ازيا مەملەكەتتەرى، سونداي-اق يزرايل مەملەكەتى بار.