ددسۇ: مايمىل شەشەگىنە قارسى جاپپاي ۆاكسينا الۋدىڭ قاجەتى جوق

دۇنيەجۇزىلىك دەنساۋلىق ساقتاۋ ۇيىمى حالىقتى مايمىل شەشەگىنە قارسى شۇعىل جاپپاي ۆاكسينالاۋدى مىندەتتى دەپ سانامايدى.

ساراپشىلاردىڭ ايتۋىنشا، ءبىرقاتار تالاپتار ورىندالسا، ۆيرۋستىڭ تارالۋىن تەجەۋگە بولادى. ماسەلەن، گيگيەنالىق ەرەجەلەردى ساقتاۋ، قولدى ءجيى جۋۋدىڭ كومەگى زور. جالپى، دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە سايكەس،  اي باسىنان بەرى ينفەكسيا 19 ەلدە راستالعان، دەپ حابارلايدى Almaty-akshamy.kz 

تەك ءبىر عانا ۇلىبريتانيادا مايمىل شەشەگىنە شالدىققاندار سانى 71-گە جەتتى. مۇندا ولار تەرىدە ەرەكشە بورتپەلەردى بايقاعانداردىڭ بارلىعىن دەرەۋ دارىگەرگە قارالۋعا شاقىردى.

گەرمانيادا مايمىل شەشەگىن جۇقتىرعاندار ەندى 3 اپتالىق كارانتينگە جابىلادى. ەلدىڭ دەنساۋلىق ساقتاۋ مينيسترلىگى وسىنداي قاۋلى قابىلدادى. بۇدان بولەك، بيلىك وكىلدەرى ناۋقاستارمەن بايلانىستا بولعان ازاماتتاردى دا وقشاۋلانۋعا شاقىردى. ەل ۇكىمەتى ساقتىق ءۇشىن اۋرۋعا قارسى ۆاكسينانىڭ 40 مىڭ دوزاسىنا تاپسىرىس بەردى. بۇگىندە گەرمانيادا 5 ادامنىڭ بويىندا وسى اۋرۋ  راستالدى.

"مايمىل شەشەگى بۇل – جاڭا پاندەميانىڭ باسى ەمەس. بۇنى بارلىعىمىز ءتۇسىنۋىمىز كەرەك. ءبىزدىڭ بىلۋىمىزشە، بۇل ۆيرۋستىق اۋرۋدىڭ ءورشۋى ءجيى كەزدەسەدى. ونى كونتاكتىلەردى ىزدەۋ جانە ساقتىق شارالارى ارقىلى باقىلاۋدا ۇستاۋعا بولادى"، - دەدى گفر دەنساۋلىق ساقتاۋ مينيسترلىگىنىڭ باسشىسى كارل لاۋتەرباح.