ونىڭ تەرەڭدىگى – 15 مەتر.
قىرعىزستاننىڭ ۇلتتىق قاۋىپسىزدىك مەملەكەتتىك كوميتەتى وش وبلىسىندا وزبەكستانعا اپاراتىن قۇپيا تۋننەلدى تاپتى، دەپ حابارلادى Almaty-akshamy.kz Turkystan.kz سىلتەمە جاساپ.
قىرعىزستاننىڭ قارا-سۋي اۋدانىنا قاراستى تەلمان اۋىلىندا جەكە تۇرعىن ءۇيدىڭ اۋماعىندا قىرعىزستان مەن وزبەكستاندى جالعايتىن جالپى جەراستى تۋننەلى انىقتالدى.
كوميتەت مالىمەتىنشە، جەدەل تەرگەۋ شارالارى بارىسىندا جەكە ءۇي اۋماعىندا 270 مەترلىك جەراستى وتكەلى تابىلعان.
«ونىڭ تەرەڭدىگى – 15 مەتر. تۋننەلگە كىرۋ – 1،8 مەتر، ەنى – 1،5 مەتر. كىرەبەرىستەن شەكارا سىزىعىنا دەيىن 40 مەتر»، – دەپ جازىلعان حابارلامادا.
بۇگىندە تۋننەل انىقتالعان ۋچاسكەنىڭ يەسىنە قاتىستى تەرگەۋ جۇرگىزۋ جوسپارلانىپ وتىر.
«جەردىڭ يەسى جالال-اباد وبلىسى قىزىل-جار پسيحياتريالىق اۋرۋحاناسىندا بولۋىنا بايلانىستى ونىڭ اقىل-ەسىنىڭ كەمدىگىنە قايتا زەرتتەۋ جۇرگىزىلەدى»، – دەپ جازىلعان حابارلامادا.