ددسۇ باسشىسى پاندەميانىڭ قاي كەزدە اياقتالاتىنىن ايتتى

پاندەميانى جەڭەتىن ۋاقىت تۋرالى ايتىلدى

دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس ادحانوم گەبرەيەسۋس ادامزاتتىڭ كوروناۆيرۋستى جەڭەتىن بارلىق مۇمكىندىگى بار ەكەنىن، الايدا الەم بۇل مۇمكىندىكتەردى ءتيىستى دەڭگەيدە قولدانباي وتىرعانىن ايتتى، دەپ حابارلايدى Almaty-akshamy.kz 24.kz-كە سىلتەمە جاساپ.

«الەم پاندەميانى توقتاتۋعا ناقتى شەشىم قابىلداعان كەزدە، ول اياقتالادى. بۇل ءبىزدىڭ قولىمىزدا»، – دەدى ددسۇ باسشىسى.

سونىمەن قاتار، ول الەم پاندەميانى جەڭۋ ءۇشىن بارلىق قۇرالدى پايدالانباي وتىرعانىن ايتتى. گەبرەيەسۋس ددسۇ-نىڭ 2021 جىلدىڭ اياعىنا دەيىن ءار ەلدە كەم دەگەندە 40 پايىز حالىقتى يممۋنداۋ ماقساتىن ەسكە سالدى. ول ۆاكسينانىڭ جەتكىزىلۋىن باقىلايتىن ەلدەر مەن كومپانيالار مالىمدەمەسى ارەكەتىنە سايكەس كەلگەن جاعدايدا عانا ماقساتقا قولجەتكىزۋگە بولاتىنىن باسا ايتتى. ۇيىم باسشىسى وسى كورسەتكىشكە جەتكەن ەلدەردى COVAX حالىقارالىق تەتىگى بويىنشا دارى-دارمەكپەن قامتاماسىز ەتۋگە باسىمدىق بەردى. سونىمەن قاتار گەبرەيەسۋس پاندەميانى توقتاتۋ ءۇشىن ۆاكسينالارعا زياتكەرلىك مەنشىك قۇقىعىن توقتاتۋ قاجەت دەپ سانايتىنىن ايتتى.