377،3 مىڭ ادام جۇمىسقا ورنالاستى، ونىڭ 252،9 مىڭى تۇراقتى جۇمىسقا تۇرعان.
2021 جىلدىڭ باسىنان بەرى «ەڭبەك» مەملەكەتتىك باعدارلاماسىنا 528 مىڭنان استام ادام قاتىسقان، دەپ حابارلايدى Almaty-akshamy.kz ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
باعدارلامانىڭ ءبىرىنشى باعىتى اياسىندا قىسقا مەرزىمدى كۋرستارعا 16،4 مىڭ ادام، تجكب بويىنشا وقۋعا 14،4 مىڭ ادام جىبەرىلدى. 6،5 مىڭنان استام ادام ءوز ءىسىن اشۋ ءۇشىن جەڭىلدىكتى ميكروكرەديت، ال 22،2 مىڭى قايتارىمسىز مەملەكەتتىك گرانت الدى. سۋبسيديالاناتىن جۇمىس ورىندارىنا 165،4 مىڭ ادام جۇمىسقا ورنالاستىرىلدى، ونىڭ ىشىندە: الەۋمەتتىك جۇمىس ورىندارىنا 17،4 مىڭ ادام؛ جاستار پراكتيكاسىنا – 24،3 مىڭ ادام؛ قوعامدىق جۇمىستارعا – 123،7 مىڭ ادام. ەڭبەك رەسۋرستارىنىڭ ۇتقىرلىعى شەڭبەرىندە 1 632 وتباسى نەمەسە 5 532 ادام قونىس اۋداردى، ونىڭ ىشىندە 2 351 ادام - ەڭبەككە قابىلەتتى جاستا. ونىڭ ىشىندە 1 679 ادام جاڭا تۇرعىلىقتى جەرىندە تۇراقتى جۇمىسقا ورنالاستىرىلدى جانە 119 ادام كاسىپكەرلىك قىزمەتپەن اينالىسادى، 9 ادام وقۋعا جىبەرىلدى.