مايمىل شەشەگى ەۋروپاعا جەتتى.
افريكاداعى m-pox (مايمىل شەشەگى) ىندەتىنىڭ كەڭ تارالۋىنا بايلانىستى دۇنيەجۇزىلىك دەنساۋلىق ساقتاۋ ۇيىمى (ددسۇ) الەم بويىنشا دەنساۋلىق ساقتاۋ سالاسىنداعى توتەنشە جاعدايدى جاريالادى، دەپ حابارلايدى aqshamnews.kz
كونگودا ءبىر اپتانىڭ ىشىندە ىندەتتى جۇقتىرۋدىڭ 2000-نان استام جاعدايى تىركەلىپ، ۆيرۋس كورشى ەلدەرگە تاراي باستادى. دۇنيەجۇزى ەلدەرى، سونىڭ ىشىندە قازاقستان مەن جۇڭگو دا ۆيرۋستىڭ الدىن الۋ جانە ونىڭ تارالۋىنا جول بەرمەۋ ءۇشىن ءتيىستى ءىس-شارالاردى كۇشەيتە باستادى.
افريكانىڭ اۋرۋلاردى باقىلاۋ جانە الدىن الۋ ورتالىقتارى كونگودا مايمىل شەشەگىنىڭ جۇقپالى شتامىنىڭ جىلدام تارالۋىنا بايلانىستى كونتينەنتتە دەنساۋلىق ساقتاۋ سالاسىنداعى توتەنشە جاعداي جاريالادى. ويتكەنى ءقاۋىپتى ۆيرۋس كورشى ەلدەرگە تاراي باستادى.
دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم گەبرەيەسۋس الەم ەلدەرىن قاۋىپكە ەرەكشە نازار اۋدارۋعا جانە ينفەكسيانىڭ ودان ءارى تارالۋىنا جول بەرمەۋ ءۇشىن قاجەت شارالاردى قابىلداۋعا شاقىردى. قازىرگى كەزدەگى باستى ماقسات – افريكادا ۆيرۋستىڭ تارالۋىنا توسقاۋىل قويۋ جانە ونىڭ الەمنىڭ باسقا بولىكتەرىنە تارالۋىنا جول بەرمەۋ.
مايمىل شەشەگى ۆيرۋسىنان تۋىندايتىن بۇل اۋرۋ العاش رەت 1958 جىلى دانيادا زەرتحانالىق مايمىلدار اراسىندا تابىلعان. ۆيرۋستىڭ ادامعا جۇعۋىنىڭ العاشقى جاعدايى 1970 جىلى كونگو دەموكراتيالىق رەسپۋبليكاسىندا تىركەلگەن.
مايمىل شەشەگىنىڭ تارالۋى نەگىزىنەن ورتالىق جانە باتىس افريكامەن شەكتەلىپ كەلدى. ءبىراق 2022 جىلدىڭ مامىرىندا ەۋروپا مەن سولتۇستىك امەريكادا دا تىركەلدى. 2023 جىلى اۋرۋ وشاقتارى ازايعانىنا قاراماستان، ۆيرۋستىڭ تارالۋى جالعاسىپ كەلەدى. افريكانىڭ اۋرۋلاردى باقىلاۋ جانە الدىن الۋ ورتالىقتارىنىڭ مالىمەتتەرىنە قاراعاندا، وتكەن اپتادا عانا افريكادا مايمىل شەشەگىنىڭ 2000-نان استام جاڭا جاعدايى تىركەلدى.