داۋىس بەرۋگە كەلگەن سايلاۋشىلار سىيلىققا كىتاپ الىپ جاتىر.
الماتى قالاسى بوستاندىق اۋدانىنداعى 254 سايلاۋ ۋچاسكەسى ۇلتتىق كىتاپحانادا ورنالاسقان، دەپ حابارلايدى Almaty-akshamy.kz
ۇلتتىق كىتاپحانانىڭ ديرەكتورى ءارى سايلاۋ كوميسسياسىنىڭ ءتوراعاسى باقىتجامال وسپانوۆانىڭ ايتۋىنشا، تاڭەرتەڭنەن بەرى سايلاۋعا كەپ جاتقان ازاماتتاردىڭ كوڭىل-كۇيى كوتەرىڭكى. بوستاندىق اۋدانىنىڭ تۇرعىندارىنا سايلاۋ ۋچاسكەسىندە كىتاپتان بولەك ءتۇرلى كادەسىيلار مەن تاتتىلەر دە تاراتىلدى. اتا-اناسىمەن ەرىپ كەلگەن بالاقايلارعا شوكولادتار بەرىلدى. سىيدىڭ تورەسى – كىتاپ. قازاقستاننىڭ ەرتەڭى ءۇشىن ءماجىلىس پەن ءماسليحات دەپۋتاتتارىنا داۋىس بەرۋگە كەلگەندەرگە گەرولد بەلگەر، حاسەن ادىبايەۆ، ەرمەك تۇرسىنوۆ، ەسكەرمەس ەسكەندىروۆ، باسقا دا اۆتورلاردىڭ كىتاپتارى سىيعا تارتىلدى.
جالپى، ۇلتتىق كىتاپحاناداعى سايلاۋ ۋچاسكەسى ءتۇرلى-تۇستى شارلارمەن، ادەمى گۇلدەرمەن بەزەندىرىلگەن. قازاقتىڭ كۇيلەرى ويناپ تۇر. رۋحىڭ كوتەرىلىپ قالادى.