ول سايلاۋدىڭ ناتيجەسى بويىنشا ءادىل قازاقستان ورنايدى دەگەن سەنىمدە.
استانادا «اق جول» پارتياسىنىڭ جەتەكشىسى ازات پەرۋاشيەۆ سايلاۋعا قاتىسىپ، داۋىس بەردى، دەپ حابارلايدى Almaty-akshamy.kz
پەرۋاشيەۆتىڭ ايتۋىنشا، ول سايلاۋدىڭ ناتيجەسىنەن ءادىل قازاقستاندى كۇتەدى. ونىڭ ويىنشا، 20 جىل بويى مۇنداي اشىق، قىزۋ سايلاۋ ناۋقانى، قوعامدا كوتەرىلىپ، تالقىلانعان اۋقىمدى ماسەلەلەر بولماعان شىعار.
"ەگەر ءبىزدىڭ قوعام مەن مەملەكەت وسى قارقىندى باسەڭدەتپەي، ديالوگتى جالعاستىرا بەرسە، وسىنداي اشىق قارىم-قاتىناستار بولسا، ءبىز شىنىمەن دە ءومىرىمىزدى جاقسىراق جانە ادال ەتۋگە ءتيىس وتە ۇلكەن وزگەرىستەردىڭ باسىندا تۇرمىز"، دەدى «اق جول» پارتياسىنىڭ جەتەكشىسى ازات پەرۋاشيەۆ.