قازاق بوكسشىسى، سيدنەي وليمپياداسىنىڭ چەمپيونى ەرماحان ىبىرايىموۆ سايلاۋ ۋچاسكەسىنە كەلىپ، وتباسىمەن بىرگە داۋىس بەردى.
سپورتشى ەل بولاشاعىنا بەيجاي قارامايتىندار قاتارىنان. بۇگىن ول وتباسىن ەرتىپ، ءوز تاڭداۋىن جاسادى، دەپ حابارلايدى Almaty-akshamy.kz.
«تۇعىرى مىقتى ەل بولۋ ءۇشىن ءوز مەملەكەتىمىزدىڭ تاعدىرىنا بەيجاي قاراماۋىمىز كەرەك. ۇلتقا، ەلگە دەگەن جاناشىرلىق وسىنداي ساياسي ناۋقاندارعا قاتىسۋدان باستالادى. ويتكەنى، بۇل وتە ماڭىزدى ءارى جاۋاپتى قادام. ءتىپتى، بۇگىنگى كۇندى بۇكىل قازاقستاندىقتار ءۇشىن مەيرام دەسەك تە بولار. ۇلىستىڭ ۇلى كۇنى ناۋرىز مەرەكەسىمەن تۇسپا-تۇس كەلگەن ساياسي ناۋقاننان ەشكىم قالىس قالمايدى دەپ سەنەمىن. مىنە، مەن دە وتباسىممەن ءوز سايلاۋ ۋچاسكەمىزگە كەلىپ تاڭداۋىمىزدى جاسادىق. قازاقستاننىڭ بولاشاعىنا بەيقام قاراماڭىزدار، ويتكەنى اركىمنىڭ داۋىسى ماڭىزدى»، - دەيدى سپورتشى.