بۇل تۋرالى قازاقستاننىڭ ماسكەۋدەگى ەلشىلىگى ءمالىم ەتتى.
قازاقستاننىڭ رەسەي فەدەراسياسىنداعى توتەنشە جانە وكىلەتتى ەلشىسى داۋرەن ابايەۆ رەسەي سىرتقى ىستەر ءمينيسترىنىڭ ورىنباسارى ميحايل گالۋزينگە سەنىم گراموتالارىنىڭ كوشىرمەلەرىن تابىس ەتتى، دەپ حابارلايدى Almaty-akshamy.kz
"اڭگىمەلەسۋ بارىسىندا تاراپتار قازاقستان-رەسەي ىنتىماقتاستىعىنىڭ قازىرگى جاعدايى مەن بولاشاعىن، ينتەگراسيالىق قۇرىلىمدار اياسىنداعى ءوزارا ءىس-قيمىلدى، سونداي-اق وڭىرلىك جانە حالىقارالىق ماسەلەلەردى تالقىلادى"، - دەلىنگەن ەلشىلىك حابارلاماسىندا.
رف سىرتقى ىستەر مينيسترلىگى باسپا ءسوز قىزمەتىنىڭ حابارلاۋىنشا، ميحايل گالۋزين داۋرەن ابايەۆتى قىزمەتكە كىرىسۋىمەن قۇتتىقتاپ، وعان ستراتەگيالىق سەرىكتەستىك پەن وداقتاستىقتاعى ەكىجاقتى قارىم-قاتىناستاردى تەرەڭدەتۋ مەن كەڭەيتۋدە تابىس تىلەدى.