قولايسىز ەكولوگيالىق جاعدايدا ءومىر سۇرگەنى ءۇشىن ءوڭىر تۇرعىندارىنا جالاقىعا قوسىمشا وتىزدان ەلۋ پايىزعا دەيىن ۇستەماقى تولەنۋى كەرەك.
قىزىلوردا وبلىسىندا ەڭبەك زاڭناماسىنىڭ ساقتالۋىنا پروكۋرورلىق تەكسەرۋ جۇرگىزىلدى، دەپ حابارلايدى Almaty-akshamy.kz
تەسكەرىس ناتيجەسىندە 38 مىڭنان استام جەرگىلىكتى جۇمىسشىنىڭ جالاقىسىنا ەكولوگيالىق ۇستەماقى قوسىلماعانى انىقتالعان.
"زاڭعا سايكەس، قولايسىز ەكولوگيالىق جاعدايدا ءومىر سۇرگەنى ءۇشىن ءوڭىر تۇرعىندارىنا جالاقىعا وتىزدان ەلۋ پايىزعا دەيىن ۇستەماقى تولەنەدى. ءبىراق سوڭعى ءۇش جىلدا 38 820 ازاماتتىڭ جالاقىسىنا 3،9 ميلليارد تەڭگە ەكولوگيالىق ۇستەماقى تولەنبەگەنى انىقتالدى"، - دەدى وبلىستىق پروكۋراتۋرا.
پروكۋراتۋرا وبلىس اكىمىنە قاداعالاۋ اكتىسىن جىبەرگەن.
"وسىعان بايلانىستى قىزىلوردا وبلىسىنىڭ اكىمى نۇرلىبەك نالىبايەۆتىڭ اتىنا قۇقىقتارى بۇزىلعان ازاماتتارعا ەكولوگيالىق ۇستەماقى تولەۋدى قامتاماسىز ەتۋ تۋرالى قاداعالاۋ اكتىسى ەنگىزىلدى. قازىرگى كۇنى 12 925 جۇمىسشىعا 1،1 ميلليارد تەڭگە سوماسىندا ۇستەماقى تولەندى"، - دەيدى ۆەدومستۆو.
ولقىلىققا جول بەرگەن جاۋاپتى ماماندار مەن جۇمىسپەن قامتۋ ورتالىقتارىنىڭ ديرەكتورلارى تارتىپتىك جاۋاپقا تارتىلدى.