ءاسانالى ءاشىم ۇلى ستۋدەنت كەزدەن باستاپ كۇندەلىك جازۋدى داعدىعا اينالدىرعان. وكىنىشكە وراي، سول تۇستاعى جازىپ جۇرگەن ونشاقتى داپتەرى قولدى بولىپ كەتكەن. ءاسانالى ءاشىم ۇلىنىڭ كۇندەلىكتەرى كەزىندە «الماتى اقشامى» گازەتىندە بىرنەشە جىل جاريالانىپ، وقىرماننىڭ ىستىق ىقىلاسىنا بولەندى. اlmaty-akshamy.kz سايتى بۇگىننەن باستاپ سول كۇندەلىكتەردى جاريالاپ وتىرادى.
9.02.84
اندروپوۆ قايتىس بولدى. قاراتال اۋدانىندا /ۇشتوبە/ كورەرمەندەرمەن كەزدەسۋىم ءوتتى.
13.02.84
تەاترعا كەلدىم. جۇمىس ونبەدى. كينوستۋديادا بولدىم. ەرىك اسقاروۆ كەلدى. مەن تۋرالى كىتاپ جازباقشى. باسسەينگە بارىپ ساعي ەكەۋمىزگە رۇقسات قاعازىن الدىم.
15.02.84
تەاترعا كەلدىم. شاحماتتان تۋرنير ءوتىپ جاتىر. مەن 82-جىلدىڭ چەمپيونى ەدىم.
16.02.84
باسسەينگە بارا المادىق. ش.جانىبەكوۆپەن تەلەفوننان ايمانوۆتىڭ يۋبيلەيى تۋرالى سويلەستىك. ءقازىر جالپى شاكەڭنىڭ 70 جىلدىق تويىن دۇرىستاپ وتكىزۋ كەرەك بوپ تۇر.
17.02.84
ەلدار شاكەڭنىڭ تويىنا كەلمەگەن ەدى. اۋىرىپ قالىپتى. “الماتى” قوناق ۇيىندە جاتىر ەكەن، سوعان بارىپ جولىقتىم. وسەتينسكيي كەلىپ بەرەكەنى العان سوڭ، كەتىپ قالدىم. بۇگىن شاكەڭمەن كەزدەسكەنىمە 10 جىل بولعان كۇن ەكەن.
18.02.84
باسسەين. تەاترعا كەلسەم راحمەتبايدىڭ “جالىنعا” شاكەڭ تۋرالى ەستەلىگى شىعىپتى. ساعيدى ءبىر جارتىعا ءتۇسىرىپ تۇر ەكەن.
21.02.84
كاۋكەڭ ەكەۋمىز بىرىگىپ “قازاقستان” رەستورانىندا 50-60 ادامعا شاكەڭە ارناپ قوناقاسى بەردىك. مەن تامادا بولدىم. جاقسى وتكەن سياقتى.
22-23.02.84
يماشيەۆ ساتتار قايتىس بولدى.
26.02.84
باياناۋىلدا، شاكەننىڭ تۋعان جەرى ايمانبۇلاقتا بولدىق. وتە كوركەم جەر عوي. قۋات ءماشھۇر-جۇسىپتىڭ ولەڭدەرىن وقىدى. ىشىندە ازداپ بوقاۋىز سوزدەرى بار ەكەن. تولەن ابدىكوۆ ەكەۋمىز ابدەن كۇلدىك.
29.02.84
“الماتى” ساناتورييىنە كەلىپ ورنالاستىم. مۇحتار شاحانوۆتى جولىقتىردىم. “شوقان” ءفيلمىن ءتۇسىرىپ جۇرگەن كەز ەدى. مۇحتارعا شوقان تۋرالى باللادا جازۋىن سۇرادىم.
1.03.84
ساناتورييدەمىن. بولەك زالدا تانسيۋرا دەگەن ساۋدا مينيسترىمەن ءبىر ستولدا وتىردىم.
2.03.84
بيلياردتان بىر-ەكى كىسىنى ۇتتىم. تانسيۋرا بولمەسىنە ارميان كونياگىن ىشۋگە شاقىردى. ءوزى مەنىمەن تۇيدەي جاستى ەكەن.
8.03.84
بۇگىن – تولەگەن ايبەرگەنوۆتىڭ تۋعان كۇنى. اقىندار جىلدا جينالىپ ەسكە الادى ەكەن. بۇل — جاقسى ءداستۇر دەپ بىلەمىن.
بۇگىن تۇسىمدە شاكەڭدى كوردىم. ماعان قوڭىر، ادەمى تىگىلگەن پيدجاگىن سىيلاپ جاتىر. پيدجاكتى اشقاندا ءوزىنىڭ ادەمى پورترەتى بار ەكەن. مۇنى مۇحتارعا جورىتىپ ەدىم، “كەرەمەت ەكەن” دەدى.
شىنىندا جامان ءتۇس بولماسا كەرەك.
9.03.84
بۇگىن ەشقايدا شىقپادىم. مۇحتار ماعان “ماحابباتتى سىيلاۋ” دەگەن جيناعىن ۇسىندى. وندا “اسەكە!
ونەرىنە ەلى بەرگەن باعاسىن،
دارقان كەۋدە، كۇمىس ساقال اعاسىڭ،
بىرتە-بىرتە كۇمىستەنەر شاشىڭ دا،
كوبەيەدى دوستارىڭ دا، قاسىڭ دا،
ويتكەنى سەن كەرەك جانسىڭ عاسىرعا!
– دەپتى” تۇنىمەن مۇحتاردىڭ ولەڭدەر جيناعىن وقىپ، ساعات 1.00-دە جاتتىم. جۇرەگىم ءبىر ءتۇرلى اۋىرىپ، كوپكە دەيىن ۇيىقتاي الماعان سوڭ تۇرىپ ءدارى ءىشتىم.
10.03.84
قار قالىڭ جاۋدى. باسسەينگە بارىپ كەلىپ، ءبىر چەمپيونمەن 9 رەت بيليارد وينادىم. جاس كەزىڭدە ەركە وسكەن بولسا كەرەك. فۋتبولدان سسسر چەمپيوناتى باستالدى.
11.03.84
قار تىزەدەن جاۋعان. ناعىز قىس. تانسيۋرا مەنى بيليارد ويناۋعا شاقىردى. ءىشى كەپكەنشە ۇتتىم. ۇيىنە كىرىپ 100 گر. اراق ىشتىك.
13.03.84
كوڭىل-كۇي اسا ءماز ەمەس. بۇگىن ساعات 16.30-دا مۇحتار شاحانوۆپەن كەزدەسۋ بولادى. سوعان باراتىن شىعارمىن. مۇنداي شارۋانى مۇحتار جاقسى كورەدى. مەن كەرىسىنشەمىن. بۇل جاقسى ما، جامان با بىلمەيمىن. مۇمكىن جامان بولار.
17.03.84
ءالى دەمالىس ۇيىندەمىن. ءابۋ سارسەنبايەۆقا ءبىر كىسىلەر كەلگەن ەكەن، تەلەفونداپ شاقىرىپ الدى. زەينوللا قابدولوۆ بولدى. ءسوزدىڭ مايىن تامىزادى-اۋ.
بۇگىن تىڭعا – 30 جىل.
20.03.84
بۇگىن مۇندا مەنىمەن كەزدەسۋ ءوتتى. ۇيدەن مايرا مەن ساعي كەلدى. مۇحتار العىسوزبەن باستادى. كەش وتە جاقسى ءوتتى. اسىرەسە زەينوللا قابدولوۆتىڭ العان اسەرى كۇشتى ەكەن.
23.03.84
بۇگىن كۇنى بويى الما جەدىم. كەشكىسىن تەاتر. “قوزى كورپەش..”. قوداردى وينايمىن. سپەكتاكلگە مايرا مەن كۇءلاش كەلدى. “بۇرىنعىداي ەمەس، اۋىرلاپ قالىپسىڭ، شەبەرلىكپەن الىپ ءجۇرسىڭ” دەگەندەي ايتتى. ونىسى دۇرىس. 1971-1984 جىلداردان بەرى ويناپ كەلەمىن. ساناتوريگە كەلگەن بەتتە كوك شايدى ۇردىم.
24.03.84
اشيم ارزييەۆ /ۇيعىر اۋدانىنىڭ ءبىرىنشى سەكرەتارى/ بولمەسىنە شاقىرىپ، باس قويدى. ۇيدەن ساعيدى شاقىرىپ الدىم.
ۇيدەمىن. ءوز ءۇيىڭ، ولەڭ توسەگىڭە جەتەتىن نە بار؟! ونىڭ ۇستىنە مايرا سياقتى حوزيايكاڭ بولسا، كوز تيمەسىن. مايرا دەگەندەر التىن عوي. قۇدالاردى /ساعي جاعىنان/ شاقىرۋعا دايىندالىپ جاتىر.
26.03.84
ماسكەۋدەمىز. شاكەڭنىڭ 70 جىلدىعىن وتكىزۋگە كەلدىك.
...روللان سەيسەنبايەۆ اڭقىلداعان جاقسى جىگىت سياقتى، ءبىراق وتە ساراڭ بولۋ كەرەك.
28.03.84
ق.س. ەگويست جىگىت، نە ىشپەيدى، ستراشنىي كارەريست بولىپ شىقتى. تىرەگى مىقتى، اقىلى شامالى جىگىت ەكەن.
29.03.84
...قازاقتىڭ باسى قوسىلسا اراق ىشەتىن ءبىر اۋرۋعا تاپ بولدىق. سامولەتتىڭ ىشىندە دە سولاي.
16.04.84
جازۋشىلار وداعىنا باردىم. عابەڭ ءوز ەسەبىنەن بيلياردتان تۋرنير وتكىزىپ جاتىر ەكەن.
كەشكىسىن ۇيگە ەرتەرەك كەلدىم. مەن ەرتە كەلسەم ۇيدەگىلەر قۋانىپ قالادى. مايرا ءار ۋاقىتتا ۇيدە كۇتەدى. ماعان مۇنداي التىن ايەل بەرگەن قۇدايعا مىڭ دا ءبىر راحمەت.
17.04.84
ءبىرىنشى رەت مويىنقۇم اۋدانىنا ساپار شەكتىم. جاقسى قارسى الدى. رايكومنىڭ ءبىرىنشى سەكرەتارى ايتباي نازاربەكوۆ وتە تاماشا ادام كورىندى. اققوزييەۆ /وبليسپولكوم ءتوراعاسى/ ۋاكىل بولىپ كەلىپ جاتىر ەكەن.
28.04.84
قۇستاردىڭ 8600 ءتۇرى بار ەكەن.
1.05.84
“اراق ءىش” دەپ قيناۋ جونىنەن قازەكەڭ ءبىرىنشى ورىندا عوي.
2.05.84
ساعي، كۇلاش، مايرا تورتەۋمىز شاكەڭ مەن حاديشا اپايدىڭ باسىنا بارىپ، قۇران وقىدىق. تاستارى قيسايىڭقىراپ قالىپتى. 70 جىلدىعىندا اسىعىس سالعاندىقتان بولسا كەرەك.
3 ماي - 10 ماي. 84
ماسكەۋ. ماسكەۋلىكتەر قىزىق، ونىڭ ىشىندە قازاقتار قىزىق، قازاققا ورىس بولۋ جاراسپايتىنىن تۇسىنبەيدى.
13-15 ماي
قىرعىز تەاترىنىڭ اشىلۋى بولدى. قونايەۆ اقساقال كەلدى. بۇگىن مايرانىڭ تۋعان كۇنى ەدى، مەن اسىعىپ كەتىپ قالدىم.
16.05.84
ازەكەڭ ەكەۋمىز فرۋنزە شاھارىنا تارتتىق. ناشار قارسى الدى. ۇسىبالييەۆ دەگەن ءبىرىنشى حاتشىسى كەلمەدى. “قاراگوز” سپەكتاكلىمەن اشتىق. ايتماتوۆ بولدى. وتە ۇلكەن ديپلومات ادام عوي.
17-18-19-20.05.84
كۇن بىردە ىستىق، بىردە سۋىق. مەن اۋىرىپ قالدىم. تىلەكتەستىڭ، ءانۋاردىڭ تۋعان كۇندەرى بولدى. جالپى ماي ايى تۋعان كۇندەرگە تولى.
23-24.05.84
سۇرەنسىز كۇندەر. ومىربەك جولداسبەكوۆكە تۇراتتىڭ ايتۋ دەگەن بالاسىن وقۋعا ءتۇسىرۋ جايىن سويلەستىم. وعان مەن تۋرالى بىرەۋ وسەك ايتىپتى. “ومىربەك اراقتى كوپ ىشەدى” دەپ بىرەۋلەرگە مەن ايتقانعا ۇقسايمىن. شىركىن-اي، ءوزىڭ ايتىپ ولسەڭ ارمان بار ما!
1.06.84
بۇگىننەن باستاپ شوقاننىڭ 4ء-شى سەرياسىنا كىرىسەمىز. يگور، ءابدىراشيت ۇشەۋمىز سەمكاعا جەر قارادىق. تەزەك تورەنىڭ اۋىلىن “شوقان” كولحوزىندا ءتۇسىرۋدى ۇيعاردىق.
19-20-21-22.06.84
4 سەرياعا اكتەرلەرگە پروبا جاسادىق.
ح.ەرعالييەۆ — ءسۇيىنباي
س.سانبايەۆ — تەزەك
س.ورازبايەۆ — تەزەك
ءا.مولدابەكوۆ — تەزەك
5-6-7-8.06.84
ۇكىمەتىمىز شوقان، اباي سەكىلدى ۇلى ادامدارعا از كوڭىل اۋدارادى. ساتبايەۆتىڭ 80 جىلدىعىن نەمقۇرايلى وتكىزدى.
الاۋىزدىق اسقىنا تۇسكەن كەز بوپ تۇر!
“قازاقفيلم” ستۋدياسى وداقتاعى ءبىر بەيشارا ستۋديانىڭ ءبىرى. وعان سەبەپ باسشىلارى بوس بەلبەۋ