الماتىلىق "قايراتتىڭ" شابۋىلشىسى داستان ساتپايەۆ مادريدتىك "رەالمەن" وتكەن چەمپيوندار ليگاسى ويىنىنان كەيىن كومانداعا نە جەتپەگەنىن ايتتى، دەپ حابارلايدى Aqshamnews.kz ءتىلشىسى
بۇل تۋرالى 17 جاستاعى ۆۋندەركيند ماچتان كەيىنگى سۇحباتىندا مالىمدەدى.
"مەنىڭ ويىمشا، فيزيكانىڭ دا اسەرى بار بولۋى مۇمكىن. ءبىراق ەڭ باستىسى بىزگە حالىقارالىق تاجىريبە جەتىسپەدى. ءبىز مۇنداي دەڭگەيدەگى مىقتى قارسىلاستارمەن ءجيى وينامايمىز. سوندىقتان مەنىڭشە بىزگە تاجىريبە عانا جەتپەگەندەي كورىندى"، - دەدى ساتپايەۆ Qazsport ارناسىنداعى ماچتان كەيىنگى سۇحباتىندا.
الماتىدا وتكەن تاريحي كەزدەسۋدە "قايرات" مادريدتىك كلۋبقا قارسى الاڭعا شىقتى. ناتيجەسىندە قازاقستاندىق كوماندا بەس جاۋاپسىز گول جىبەردى.
17 جاستاعى فورۆارد ماچتا 80 مينۋت وينادى. سوڭعى 10 مينۋتتا ونىڭ ورنىنا برازيليالىق شابۋىلشى ريكاردينو شىقتى. ساتپايەۆ ويىن بارىسىندا 3 سوققى جاسادى (1 - قاقپاعا ءدال)، 10 پاس (7 - ءدال). دەگەنمەن ول 5،7 ۇپايمەن "قايرات" ساپىنداعى ەڭ تومەن باعا العان ويىنشى بولدى. قىسقاسى، ورتالىق ستاديونداعى تاريحي ماچتا داستاننىڭ ويىنى جۇرمەدى.
سكرينشوت: flashscorekz.com