جاس جانكۇيەر «قايرات» كلۋبىنداعى سۇيىكتى ويىنشىسىمەن كەزدەسكەن ساتىنەن بەينەروليك الەۋمەتتىك جەلىدە تارادى، دەپ حابارلايدى Aqshamnews.kz.
«قايرات» فۋتبول كلۋبىنىڭ الەۋمەتتىك جەلىدەگى پاراقشاسىندا تاراتقان مالىمەتكە سۇيەنسەك، كىشكەنتاي جانكۇيەر قارا جەيدەدەن جانە سارى يزولەنتامەن «قايراتتىڭ» قولدان جاسالعان فورماسىنىڭ ارتىنا سۇيىكتى ويىنشىسى داستان ساتپايەۆتىڭ ەسىمىن جازعان ەدى. كەيىن سول فورماسىن كيىپ، ويىندى تاماشالادى.
«ونىڭ ەسىمى – ىقىلاس. ول تۇركىستاندا تۇرادى. ءبىز ونى كلۋبتىڭ جاتتىعۋ بازاسىنا شاقىردىق. ول جاقتا بالا سۇيىكتى ويىنشىسىمەن كەزدەستى. داستان ساتپايەۆ وعان قولتاڭباسى بار ويىن جەيدەسىن سىيلاپ، ساتتىلىك تىلەدى. بۇل كۇن ىقىلاستىڭ جادىندا ماڭگى قالادى»، - دەپ جازدى كلۋبتىڭ رەسمي پاراقشاسىندا.