16 جاسار قاراعاندىلىق بوزبالا حالىقارالىق كينوفەستيۆالدە ۇزدىك اكتەر اتاندى
قاراعاندىلىق 16 جاسار ءاليحان ءابىلديننىڭ كينوداعى دەبيۋتى ۇلكەن جەتىستىككە جەتكىزدى. ءجاسوسپىرىم «ەۋرازيا» حالىقارالىق كينوفەستيۆالىندە ۇزدىك ەر ادام ءرولى ءۇشىن جۇلدە الدى، دەپ حابارلايدى Almaty-akshamy.kz.
بيىل كينوفەستيۆالدە العاش رەت ۇلتتىق بايقاۋ ءوتتى. مۇندا سوڭعى ەكى جىلدا تۇسىرىلگەن ەڭ جاقسى 15 فيلم ۇسىنىلدى.
ۇلتتىق بايقاۋ جۇلدەلەرىنىڭ ءبىرى ءاليحان ابىلدينگە بۇيىردى.
جىگىت يانا سكوپينانىڭ «جاز جاقىندا اياقتالادى» فيلمىندەگى باستى كەيىپكەردى سومداپ، «ۇزدىك اكتەر» نوميناسياسىن جەڭىپ الدى.
كارتينا قازاقستاندىق كينوپروكاتقا شىقتى.