Air Astana «جاس قىران» باعدارلاماسىنىڭ العاشقى ناتيجەسىن ۇسىندى
«جاس قىران» – ەلىمىزدىڭ دارىندى بالالارىن قولداۋعا ارنالعان جول ءجۇرۋ گرانتتارى باعدارلاماسى. باعدارلامادا حالىقارالىق شىعارماشىلىق، سپورتتىق، زياتكەرلىك جارىستار مەن بايقاۋلارعا قاتىسۋ ءۇشىن گرانتتار بولىنەدى. جول ءجۇرۋ گرانتى بۇل Air Astanا كومپانيالار توبىنىڭ مارشرۋتتىق جەلىسى شەڭبەرىندە حالىقارالىق باعىتتار بويىنشا ءبىر بالاعا جانە ءبىر ەرىپ جۇرەتىن ادامعا ارنالعان ەكونوم-كلاستىڭ تەگىن بارىپ- قايتۋ اۋەبيلەتى.
بايقاۋ ەرەجەسىنە سايكەس اۋەكومپانيا جەكە وتىنىمدەر نەگىزىندە اي سايىن 5 جول ءجۇرۋ گرانتىن ۇسىنۋدى كوزدەيدى. گرانتقا ءوتىنىش بەرۋشىلەر 7 جاستان 17 جاسقا دەيىنگى قازاقستان ازاماتتارى بولۋ كەرەك جانە جارىسقا (كونكۋرس، وليمپيادا جانە ت.ب.) رەسمي شاقىرۋى بولۋى كەرەك.
باعدارلاما باستالعاننان بەرى تاۋەلسىز قازىلار القاسى حالىقارالىق كونكۋرستارعا قاتىسۋ ءۇشىن 6 بالانى ىرىكتەپ الدى. Air Astanا گرانتىنىڭ ارقاسىندا اقتوبە قالاسىنداعى «ءبىلىم-يننوۆاسيا» ليسەيىنىڭ 11-سىنىپ وقۋشىسى كيم ارتۋر گاننوۆەردەگى 7ء-شى ەۋروپالىق وليمپيادادا فيزيكادان قولا مەدال جەڭىپ الدى. الماتى قالاسىنداعى №54 مەكتەپتىڭ 11-سىنىپ وقۋشىسى رىبالكين ماتۆەي بەيجىڭدەگى روبوتوتەحنيكا بويىنشا حالىقارالىق جارىستا ەكىنشى ورىن الدى، ال استانادان كەلگەن دارىندى بالالارعا ارنالعان №9 «زەردە» مەكتەبىنىڭ 8-سىنىپ وقۋشىسى تىنىشتىق ديانا پراگاداعى 10-شى حالىقارالىق شاحمات فەستيۆالىندە رەيتينگىن كوتەرىپ، حالىقارالىق سپورت شەبەرى اتاعىن الدى. تاعى ءۇش وقۋشى وسى جىلدىڭ سوڭىنا دەيىن ۇلىبريتانيا مەن باا-دە حالىقارالىق بايقاۋلارعا قاتىسۋعا اتتانب ا ق.
Air Astana پرەزيدەنتى پيتەر فوستەر ءوز سوزىندە قازاقستاندا تالانتتى بالالار كوپ ەكەنىن جانە اۆياكومپانيا بىلىمگە ۇمتىلاتىن جانە ءوز ەلىن ءتۇرلى سالالاردا ءدارىپتەيتىن جاس قازاقستاندىقتاردى قولداۋعا ءوز ۇلەسىن قوسۋعا قۋانىشتى ەكەنىن اتاپ ءوتتى.
تاقىرىپقا وراي
روزا ءشارىپ قىزى، رەسپۋبليكالىق جەكە ءبىلىم بەرۋ ۇيىمدارى قاۋىمداستىعىنىڭ ءتوراعاسى، كوميسسيا مۇشەسى:
دۇرىس شەشىم قابىلدانعانىنا كوزىم جەتتى
وسى جىلى عانا باستاۋ العان باعدارلاما تۋرالى كوپشىلىك ەستىپ ۇلگەرمەگەن سياقتى. وتىنىشتەر كوپ تۇسكەن جوق. ءبىراق سولاردىڭ وزىنەن دە ىرىكتەپ، تاڭداۋ قيىنعا سوقتى. وتىنىشتەردىڭ كوبى شىعارماشىلىق باعىتتا بولدى.
بۇل جوبا تالانتتى بالالاردى قولداۋعا ارنالعان. حالىقارالىق شىعارماشىلىق، سپورتتىق، زياتكەرلىك جارىستارعا باراتىن بالالارعا قولداۋ كورسەتەمىز. ارمانى اسقاق، ىنتاسى بار بالالاردىڭ دامۋىنا مۇمكىندىك جاساعىمىز كەلدى. مىنە، بۇگىن ىرىكتەلگەن بالالاردى كورىپ، دۇرىس شەشىم قابىلدانعانىنا كوزىم جەتىپ وتىر. دارىندى بالالاردىڭ ارمانىن ورىنداۋعا كومەكتەسكەنى ءۇشىن Air Astana اۋەكومپانياسىنا العىسىمدى ايتامىن.
