«دارىن» مەملەكەتتىك جاستار سىيلىعىنا بايقاۋ جاريالاندى

اقپارات جانە قوعامدىق دامۋ مينيسترلىگى «دارىن» مەملەكەتتىك جاستار سىيلىعىنا بايقاۋ جاريالادى.

«دارىن» مەملەكەتتىك جاستار سىيلىعى – عىلىم، شىعارماشىلىق، قوعامدىق قىزمەت سالالارىندا جەمiستi ەڭبەگىمەن كوزگە تۇسكەن، سونداي-اق جوعارى سپورتتىق جەتىستىكتەرى ءۇشىن دارىندى جاستاردى مەملەكەت تاراپىنان قولداۋ ماقساتىندا تابىستالادى، دەپ حابارلايدى Almaty-akshamy.kz Elorda.info-عا سىلتەمە جاساپ. 

بايقاۋ «ادەبيەت»، «عىلىم»، «ديزاين جانە بەينەلەۋ ونەرى»، «جۋرناليستيكا»، «كلاسسيكالىق مۋزىكا»، «قوعامدىق قىزمەت»، «سپورت»، «تەاتر جانە كينو»، «ەسترادا»، «حالىق شىعارماشىلىعى» اتتى 10 نوميناسيا بويىنشا وتەدى. 

سىيلىق الۋعا حالىقارالىق جانە رەسپۋبليكالىق كونكۋرستاردىڭ، فەستيۆالدار مەن ءتۇرلى شارالاردىڭ لاۋرەاتتارى، رەسپۋبليكالىق جانە حالىقارالىق دەڭگەيلەردەگى سپورتتىق جارىستاردىڭ جۇلدەگەرلەرى مەن جەڭىمپازدارى، سونداي-اق قىزمەتى يننوۆاسيالىق بولىپ تابىلاتىن جانە ءتيىستى سالا مەن تۇتاستاي قوعامدى دامىتۋعا ىقپال ەتكەن ق ر 29 جاسقا دەيىنگى ازاماتتارى ۇمىتكەر بولا الادى.

«دارىن» جاستار سىيلىعىن الۋعا كانديداتۋرالاردى ۇسىنۋدى مەملەكەتتiك ورگاندار، قوعامدىق بiرلەستiكتەردىڭ وكىلدەرى جۇرگiزەدi.

جەڭىمپازدارعا ق ر ۇكىمەتىنىڭ قاۋلىسىمەن «دارىن مەملەكەتتىك جاستار سىيلىعىنىڭ لاۋرەاتى» اتاعى بەرىلەدى جانە لاۋرەاتتار ديپلوممەن، توسبەلگىلەرمەن سونداي-اق اقشالاي سىيلىقپەن ماراپاتتالادى.

جىل سايىن سىيلىقتى ۇسىنۋ قازاقستان رەسپۋبليكاسى تاۋەلسىزدىگىن مەرەكەلەۋ اياسىندا وتكىزىلەدى. 

ۇمىتكەرلەردىڭ قۇجاتتارى 2022 جىلعى 10 تامىزعا دەيىن اقپارات جانە قوعامدىق دامۋ مينيسترلىگىنىڭ جاستار جانە وتباسى ىستەرى كوميتەتىنە (قاعاز نۇسقاسى) كەلەسى مەكەنجاي بويىنشا: نۇر-سۇلتان قالاسى، ماڭگىلىك ەل داڭعىلى، 10، «مينيسترلىكتەر ءۇيى» عيماراتى (14-كىرەبەرىس)، 8 (7172) 74-05-25، 8 (7172) 74-18-43، 8-701-170-46-54 جانە (ەلەكتروندىق نۇسقا) premiya.daryn@gmail.com ەل. پوشتاسى ارقىلى قابىلدانادى.