وتاندىق تەلەارنا ونىمدەرى تۇركيادا كورسەتىلەدى.
تۇركيانىڭ ىستامبۇل قالاسىندا وتكەن تۇركى مەملەكەتتەرى ۇيىمىنا مۇشە ەلدەردىڭ مەديا جانە اقپارات سالاسىنا جاۋاپتى مينيسترلەرىنىڭ ءتورتىنشى قۇرىلتايىندا وسىعان قاتىستى كەلىسسوزدەر ءوتتى، دەپ حابارلايدى Almaty-akshamy.kz
مەديا فورۋمعا قاتىسقان «قازاقستان» تەلەراديوكورپوراسياسى ءتورايىمىنىڭ ورىنباسارى يلحام يبراگيموۆ ۇلتتىق ارنانىڭ ونىمدەرىن تانىستىرىپ، بىرگە جۇمىس ىستەۋگە بولاتىن الاڭداردى اتاپ ءوتتى.
بۇدان بولەك ۇلتتىق ارنا وندىرگەن دەرەكتى فيلمدەر مەن تەلەحيكايالاردى تۇركىتىلدەس ەلدەردىڭ جەتەكشى تەلەارنالارىندا كورسەتۋ تۋرالى كەلىسىمگە قول جەتكىزىلدى. ال پانەلدىك وتىرىستاردا فەيك، ياعني جالعان اقپاراتپەن بىرلەسە كۇرەسۋ، مەديانى مانيپۋلياسيا جاساۋ قۇرالىنا اينالدىرماۋ، سيفرلى تەحنولوگيالاردىڭ بولاشاعى سياقتى سۇبەلى ماسەلەلەر تالقىعا ءتۇستى.