17 جەلتوقساندا ءبىرىڭعاي تاڭبالاۋ وپەراتورى مەن جالپىۇلتتىق سوسيال-دەموكراتيالىق پارتيا (جسدپ) وكىلدەرىنىڭ قاتىسۋىمەن كەزدەسۋ ءوتتى، وندا دارىلىك زاتتارعا سيفرلىق تاڭبالانۋىن ەنگىزۋدىڭ وزەكتى ماسەلەلەرى تالقىلانىپ، كەزدەسۋدىڭ قورىتىندىسى بويىنشا تاراپتار دارىلىك زاتتاردىڭ كولەڭكەلى اينالىمىمەن كۇرەسۋ بويىنشا جول كارتاسىن بىرلەسىپ ازىرلەۋگە كەلىستى، دەپ حابارلايدى aqshamnews.kz.
ءبىرىڭعاي تاڭبالاۋ وپەراتورى بۇل ۇدەرىسكە بەلسەندى تۇردە قاتىسىپ، ءوز قۇزىرەتى شەگىندە ءوز ۇسىنىستارىن ەنگىزەتىن بولادى.
جسدپ الاڭىندا قاتىسۋشىلار دارىلىك زاتتاردى تاڭبالاۋعا قاتىستى وزەكتى ماسەلەلەر بويىنشا پىكىر الماستى. تاڭبالاۋدى ەنگىزۋ پروسەستەرىندەگى ءبىرىڭعاي وپەراتوردىڭ رولىنە جانە تاڭبالاۋدىڭ تەحنيكالىق ەنگىزۋ ماسەلەلەرىنە ەرەكشە نازار اۋدارىلدى. تاۋارلاردى تاڭبالاۋ جانە قاداعالاۋ جونىندەگى ءبىرىڭعاي وپەراتور اتالمىش جوبا شەڭبەرىندە تەحنيكالىق سەرىكتەس رەتىندە ارەكەت ەتەتىنىن ەستەرىڭىزگە سالا كەتەيىك. تاۋارلارعا مىندەتتى تاڭبالاۋدى ەنگىزۋ جانە رەتتەۋ ماسەلەلەرى ۇكىمەت پەن ءتيىستى مينيسترلىكتەردىڭ قۇزىرەتىنە ارتىلعان. ءبىرىڭعاي وپەراتور ءوز كەزەگىندە جۇيەنى تەحنيكالىق ەنگىزۋدى قامتاماسىز ەتەدى، سونداي-اق بيزنەس پەن حالىق اراسىندا اقپاراتتاندىرۋ جۇمىستارىن جۇرگىزىپ، نارىق قاتىسۋشىلارىنا جاڭا تالاپتارعا بەيىمدەلۋگە جانە تاڭبالاۋ قۇرالدارىن ءتيىمدى پايدالانۋعا كومەكتەسەدى.
استاناداعى جسدپ فيليالىنىڭ ءتوراعاسى تالعات وماروۆ تاڭبالاۋدى ەنگىزۋ ۇدەرىسىنە جانە ونىڭ نارىققا قاتىسۋشىلارعا اسەرى تۋرالى الاڭداۋشىلىق ءبىلدىردى. ءوز كەزەگىندە ءبىرىڭعاي وپەراتوردىڭ باسقارۋشى ديرەكتورى المات يسمايلوۆ تاڭبالاۋ جۇيەسى نارىقتى كونترافاكتىلىك ونىمنەن قورعاۋعا باعىتتالعانىن جانە كاسىپكەرلەر دەرەكتەرىنىڭ قۇپيالىلىعىنا قاتىستى قۇقىقتاردى بۇزبايتىنىن باسا ايتىپ، بارلىق سۇراقتارعا ەگجەي-تەگجەيلى جاۋاپ بەردى.
ءبىز كولەڭكەلى نارىققا قاتىستى ماسەلەلەردى شەشۋ ءۇشىن قوعاممەن جانە بيزنەسپەن اشىق سىندارلى ديالوگقا جانە بىرلەسكەن جۇمىسقا دايىنبىز. سيفرلىق تاڭبالاۋ – بۇل دارى-دارمەك نارىعىن ءمولدىر ءارى تۇتىنۋشىلار ءۇشىن ءقاۋىپسىز ەتۋگە كومەكتەسەتىن قۇرال، - دەپ اتاپ ءوتتى المات يسمايلوۆ.
جول كارتاسىن جاساۋ دارى-دارمەكتىڭ زاڭسىز اينالىمىنا قارسى كۇرەستە ماڭىزدى قادام بولادى جانە مەملەكەتتىك ورگانداردىڭ، بيزنەس-قوعامداستىق پەن قوعامدىق ۇيىمداردىڭ ءوزارا ءىس-قيمىلىن كۇشەيتۋى ءتيىس.
ءبىرىڭعاي وپەراتور جسدپ-نىڭ كولەڭكەلى نارىقتى قىسقارتۋعا جانە حالىقتى ساپالى زاڭدى ونىمدەرمەن قامتاماسىز ەتۋگە باعىتتالعان باستامالارىنا قولداۋ ءبىلدىردى. ەكى تاراپ تا تۇتىنۋشىلاردىڭ قۇقىقتارىن قورعاۋدىڭ جانە ءاربىر ازامات ساتىپ الاتىن ونىمدەرىنىڭ قاۋىپسىزدىگى مەن ءتۇپنۇسقالىعىنا سەنىمدى بولا الاتىن اشىق نارىق قۇرۋدىڭ ماڭىزدىلىعىن تۇسىنەدى. بىرلەسكەن جۇمىس تاۋار اينالىمىن باقىلاۋدى كۇشەيتىپ قانا قويماي، سونىمەن قاتار زاڭسىز ونىمدەرمەن كۇرەسۋدىڭ ءتيىمدى تەتىكتەرىن قۇرۋعا مۇمكىندىك بەرەدى، بۇل اسىرەسە دارىلىك زاتتار سياقتى الەۋمەتتىك ماڭىزى بار ساناتتار ءۇشىن ماڭىزدى.
ايتا كەتۋ كەرەك، ءبىرىڭعاي وپەراتور تاڭبالاۋ جۇيەسىن ءساتتى ەنگىزۋ جانە كولەڭكەلى نارىقپەن كۇرەسۋ ءۇشىن بيزنەس-قوعامداستىقپەن جانە قوعامدىق ۇيىمدارمەن اشىق جۇمىستى جالعاستىرۋدا.