پروسەسس ءبىر جارىم ايعا سوزىلدى.
بۇگىن شىققان شەشىم بويىنشا، سوت زاڭگەردىڭ تالاپتارىن قاناعاتتاندىرمادى، دەپ حابارلايدى aqshamnews.kz
شىعىس قازاقستان وبلىسىنىڭ تۇرعىنى ءارى زاڭگەر سەرىكجان احمەتجانوۆ بۇرىنعى ۋاقىتتى قايتارۋدى تالاپ ەتىپ، سوتقا جۇگىنگەن ەدى. ازامات ۇكىمەتتىڭ 2024 جىلى 19 قاڭتاردا ەنگىزىلگەن قاۋلىسىن زاڭسىز دەپ تانىپ جانە كۇشىن جويۋدى تالاپ ەتتى.
سوزىنشە بۇل شەشىم استرونوميالىق ۋاقىتقا سايكەس كەلمەيدى جانە ۇكىمەت ءوز قۇزىرەتى شەڭبەرىنەن شىعىپ كەتتى دەپ باعالادى.
ءبىراق شىعىستىڭ تۇرعىنى سوتتا ۇكىمەتتەن جەڭىلىپ قالدى.
«ۇكىمەتتىڭ قاۋلىسى كونستيتۋتسيانىڭ 69-بابىنا سايكەس قابىلدانعان. سونداي-اق سوتقا جۇگىنگەن ازامات ءۇش جىلدىق تالاپ قويۋ مەرزىمىن وتكىزىپ الدى»، - دەپ ءتۇسىندىردى سۋديا.