دەنساۋلىق ساقتاۋ مينيسترلىگى تالعار اوا وقيعاسىنا قاتىستى ءادىل قۇقىقتىق باعالاۋدى تالاپ ەتەدى
تالعار اۋدانىنىڭ اوا-دا قىزمەتتىك مىندەتتەرىن اتقارۋ كەزىندەگى مەديسينا قىزمەتكەرلەرىنە قاتىستى جول بەرىلمەيتىن زورلىق-زومبىلىق ارەكەتتەرى جاسالعان ورەسكەل وقيعا بولدى.
رەانيماتولوگ پەن مەيىرگەر پاسيەنتتىڭ اگرەسسيۆتى تۋىستارىنىڭ شابۋىلىنان اۋىر جاراقات الدى.
وسى قۇقىققا قايشى ارەكەتتەرگە قۇقىق قورعاۋ ورگاندارىنىڭ تاراپىنان سايكەس باعا بەرىلۋى، شابۋىل جاساعان ادامدار زاڭنىڭ بارلىق تالاپتارى بويىنشا جازالانۋى ءتيىس. دارىگەرلەرگە جاسالعان مۇنداي قاسكۇنەمدىك شابۋىلدار، اۋىر پاسيەنتتەرگە مەديسينالىق كومەك كورسەتەتىن مەديسينالىق ۇيىمنىڭ قىزمەتىنە ارالاسۋعا مۇلدەم جول بەرىلمەيدى جانە ادامگەرشىلىككە جاتپايدى.
دەنساۋلىق ساقتاۋ جۇيەسىندە پاسيەنتتەر مەن دارىگەرلەردىڭ قاۋىپسىزدىگى، ناۋقاستارعا مەديسينالىق كومەك كورسەتۋ ءۇشىن جاعداي جاساۋ ءارقاشان الدىڭعى قاتاردا تۇرادى.
باسىم مىندەت - زارداپ شەككەن دارىگەردىڭ جانە باسقا قاتىسۋشىلاردىڭ قاۋىپسىزدىگىن قامتاماسىز ەتۋ، بارلىق كۇش-جىگەردى زارداپ شەككەن مەديسينا قىزمەتكەرلەرىنىڭ ءومىرى ءۇشىن كۇرەسكە باعىتتاۋ، ال مەديسينالىق ۇيىم باسقا شۇعىل پاسيەنتتەرگە كومەك كورسەتۋ ءۇشىن ءقاۋىپسىز جاعداي جاساۋ بولىپ تابىلادى. ارىپتەستەرىمىزدىڭ تەزىرەك ساۋىعىپ كەتۋلەرىنە تىلەكتەسپىز!
دەنساۋلىق ساقتاۋ مينيسترلىگى مەديسينا قىزمەتكەرلەرىنىڭ قىزمەتتىك مىندەتتەرىن ورىنداۋ كەزىندە ولارعا قاتىستى زورلىق-زومبىلىق ارەكەتتەرى جاسالعان جاعدايدا قىلمىستىق جاۋاپكەرشىلىككە تارتىلىپ، مەديسينا قىزمەتكەرلەرىن قۇقىقتىق قورعاۋ، قاۋىپسىزدىك جانە مارتەبەسىن نىعايتۋ باستاماسىن كوتەرەدى. زاڭناماعا ەنگىزىلگەن وزگەرىستەر پارلامەنت ماجىلىسىندە قارالادى جانە جاقىن ارادا بەكىتىلەدى دەپ ۇمىتتەنەمىز.