الماتى قالاسىندا 14-18 قازان ارالىعىندا “زاڭسىز كەلۋشى -2024” رەسپۋبليكالىق جەدەل-پروفيلاكتيكالىق ءىس-شاراسى ءوتىپ جاتىر.
بۇل شارانىڭ نەگىزگى ماقساتى – زاڭسىز كوشى-قون ارنالارى مەن وعان قاتىستى باسقا دا قۇقىقبۇزۋشىلىقتاردى انىقتاپ، ولاردىڭ جولىن كەسۋ، دەپ حابارلايدى aqshamnews.kz Polisia.kz-كە سىلتەمە جاساپ.
الماتى قالالىق پوليسيا دەپارتامەنتىنىڭ كوشى-قون قىزمەتى باسقارماسىنىڭ باسشىسى اسحات بۋتۋنچينوۆتىڭ مالىمەتىنشە، ءىس-شارانىڭ العاشقى ەكى كۇنىندە كوشى-قون زاڭناماسىن بۇزعان 534 ازامات اكىمشىلىك جاۋاپكەرشىلىككە تارتىلدى.
قازاقستان رەسپۋبليكاسىندا بولۋ ەرەجەلەرىن ساقتاماعان 405 شەتەلدىك پەن شەتەلدىكتەردىڭ ەلدە بولۋىن زاڭدى تۇردە قامتاماسىز ەتپەگەنى ءۇشىن 105 قابىلداۋشى تاراپقا شارا قولدانىلدى. سونىمەن قاتار شەتەلدىك جۇمىس كۇشىن زاڭسىز تارتقان 24 جۇمىس بەرۋشىگە ايىپپۇل سالىنعان. سپيكەردىڭ ايتۋىنشا، ەلدەن شىعارۋ تۋرالى سوت شەشىمدەرىن ورىنداماعان 32 شەتەلدىك انىقتالسا، 29 شەتەلدىك كۇشتەپ شىعارىلدى.