الەمنىڭ 27 ەلىندە مايمىل شەشەگى اۋرۋى انىقتالعان.
دۇنيەجۇزىلىك دەنساۋلىق ساقتاۋ ۇيىمىنىڭ وكىلدەرى مايمىل شەشەگىن قايتا جۇقتىرۋ ءقاۋپى بارىن ايتتى، دەپ حابارلايدى Almaty-akshamy.kz.
COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ مالىمەتتەرىنە قاراعاندا، الەمنىڭ 27 ەلىندە مايمىل شەشەگى اۋرۋى انىقتالعان.
ىندەت جۇقتىرۋ دەرەكتەرى نەگىزىنەن ەۋروپا مەن سولتۇستىك امەريكادا انىقتالعان.
«ءبىز باتىس افريكادا مايمىل شەشەگى اۋرۋىمەن اۋىرعان دارىگەردىڭ كەيىنىرەك قايتا ۆيرۋس جۇقتىرعانىنا كۋا بولدىق. يممۋنيتەت ۆيرۋستى قايتا جۇقتىرۋدان 100% قورعاي المايدى»، - دەدى دۇنيەجۇزىلىك دەنساۋلىق ساقتاۋ ۇيىمىنىڭ شەشەكپەن كۇرەس جونىندەگى حاتشىلىعىنىڭ باسشىسى روزامۋند ليۋيس.
دۇنيەجۇزىلىك ۇيىم مايمىل شەشەگى تارالۋىنىڭ الدىن الۋعا بولاتىندىعىن ايتتى. ناۋقاستارعا ۇيدە وقشاۋلانۋعا كەڭەس بەرىلەدى.
ۆەدومستۆوارالىق كوميسسيانىڭ مالىمەتىنشە، قازاقستاندا مايمىل شەشەگىن جۇقتىرۋ دەرەگى تىركەلگەن جوق.