باعىتتار وزگەرىسى بۇگىننەن باستالادى.
الماتى قالاسى مەتروپوليتەنىنىڭ «دوستىق» ستانسياسىنىڭ قۇرىلىسى بويىنشا جۇمىستاردى جۇرگىزۋگە بايلانىستى 2021 جىلعى 20 تامىزداعى ساعات 23.00-دەن 2021 جىلعى 1 قىركۇيەككە دەيىن №6 جانە №25 تروللەيبۋستار مارشرۋتتارىنىڭ سۇلباسىنا وزگەرىستەر ەنگىزىلەدى، دەپ حابارلايدى Almaty-akshamy.kz
قالالىق موبيلدىلىك باسقارماسىنىڭ حابارلاۋىنشا، №6 مارشرۋت تروللەيبۋستارىنىڭ قوزعالىسى شالياپين كوشەسىمەن باتىس باعىتتا، سايىن كوشەسىمەن سولتۇستىك باعىتتا، جۇبانوۆ كوشەسىمەن باتىس باعىتتا، مومىش ۇلى كوشەسىمەن سولتۇستىك باعىتتا جانە ودان ءارى باعىت بويىنشا جۇزەگە اسىرىلادى.
№25 مارشرۋت تروللەيبۋستارىنىڭ قوزعالىسى اباي داڭعىلىمەن باتىس باعىتتا، سايىن كوشەسىمەن سولتۇستىك باعىتتا، جۇبانوۆ كوشەسىمەن باتىس باعىتتا، مومىش ۇلى كوشەسىنىڭ بويىمەن سولتۇستىك باعىتتا قابدولوۆ كوشەسىنە دەيىن جانە ودان ءارى باعىت بويىنشا جۇزەگە اسىرىلادى.