دارىگەرلەر اقىل-ەس كەمىستىگىنىڭ ەرتە بەلگىلەرىن اتادى

كوپ جاعدايدا ونداي ادامدار كوڭىل كۇيلەرى بولمايدى

دارىگەرلەر السگەيمەر اۋرۋىنىڭ ەرتە سيمپتومدارىن اتادى. ونىڭ ەڭ العاشقى بەلگىلەرىنىڭ ءبىرى – كورۋ قابىلەتىنىڭ ناشارلارۋى مەن نىسانداردى تانۋدىڭ قيىندىعى، دەپ حابارلايدى Almaty-akshamy.kz Baq.kz اگەنتتىگىنە سىلتەمە جاساپ.

ولاردىڭ ايتۋىنشا، اقىل-ەس كەمىستىگىنىڭ تاعى ءبىر بەلگىسى – افازيا، ياعني سويلەسىپ وتىرعاندا دۇرىس ءسوزدى تاۋىپ قولدانا الماي قالاتىن كۇي كورىنەدى.

تۇلعا مەن ونىڭ مىنەز-قۇلقىنىڭ وزگەرۋىن السگەيمەر اۋرۋىنىڭ ەرتە سيمپتومدارىنا جاتقىزۋعا بولادى دەپ وتىر. الايدا ونى بايقاۋ وتە قيىن. كوپ جاعدايدا ونداي ادامدار كوڭىل كۇيلەرى بولماي، اشۋلانشاق كەلەدى، سونداي-اق وز-وزدەرىنە سەنىمسىزدىك پايدا بولىپ، بۇرىن جاقسى كورگەن ىستەرىنە قىزىعۋشىلىق جوعالادى.

دارىگەرلەر دەمەنسيانىڭ ەرتە ورىن الۋىنا سەبەپ رەتىندە ءومىر ءسۇرۋ سالتى مەن گەنەتيكالىق فاكتورلاردى العا تارتتى. شىلىم شەگۋ، كوپ مولشەردە الكوگولدىك سۋسىندار ءىشۋ، از قوزعالىستى ءومىر سالتى، دۇرىس تاماقتانباۋ، حولەستەريننىڭ جوعارى مولشەرىن اقىل-ەستەن الجاستىراتىن فاكتورلاردىڭ پايدا بولۋىنىڭ سەبەبى دەپ وتىر. دەمەنسيانىڭ تاعى باسقا سيمپتومدارىنا ەستە ساقتاۋ قابىلەتىنىڭ ناشارلاۋى، جۋىردا ورىن العان وقيعالاردى ۇمىتىپ قالۋ، نازاردىڭ تومەندەۋى جاتادى.