52 قىزمەت كورسەتۋشى ۇيىمعا قاتىستى 142 كپتۇ بويىنشا شارا قابىلداندى
ەلوردادا قاردى ۋاقىتىلى كۇرەمەگەنى جانە شىعارماعانى ءۇشىن قىزمەت كورسەتەتىن 52 ۇيىمعا قاتىستى 142 كوپپاتەرلى تۇرعىن ءۇي بويىنشا بۇزۋشىلىقتاردى جويۋ جونىندە ۇيعارىم بەرىلدى. جالپى سانى 360 پيك پەن ميب باسشىسى ءتيىستى ەسكەرتۋ الدى، – دەپ حابارلايدى Almaty-akshamy.kz Elorda.info-عا سىلتەمە جاساپ.
ەلوردا اۋماعىن اباتتاندىرۋ ەرەجەلەرىنە سايكەس، كوندومينيۋم وبەكتىسىن باسقارۋ ورگاندارى – پيك، ميب سانيتارلىق تازارتۋدى، ونىڭ ىشىندە ءۇيدىڭ پەريمەترى بويىنشا بەس مەتر شەكاراداعى ىرگەلەس اۋماقتىڭ قارىن كۇرەۋدى قامتاماسىز ەتۋى مىندەتتى.
ەلوردادا اۋدان اكىمدەرىنىڭ اپپاراتى قالانىڭ جەرگىلىكتى پوليسيا قىزمەتىنىڭ تابيعات قورعاۋ پوليسياسى وكىلدەرىمەن بىرلەسىپ قاردان تازالاۋ بويىنشا مونيتورينگ جۇرگىزۋدە. جۇرگىزىلگەن جۇمىستاردىڭ ناتيجەلەرى بويىنشا 52 قىزمەت كورسەتۋشى ۇيىمعا قاتىستى 142 كپتۇ بويىنشا شارالار قابىلداندى – بۇزۋشىلىقتاردى جويۋ جونىندە نۇسقامالار بەرىلدى. سونداي-اق، كوپپاتەرلى تۇرعىن ۇيلەرگە قىزمەت كورسەتەتىن 360 ۇيىمنىڭ باسشىسى ءتيىستى ەسكەرتۋ الدى.
قىزمەت كورسەتەتىن ۇيىمدارعا قاتىستى بەرىلگەن نۇسقامالار ورىندالماعان جاعدايدا «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 505-بابىنا سايكەس اكىمشىلىك جازالاۋ شارالارى قابىلداناتىن بولادى. قاردى ۋاقىتىلى جيناماعانى ءۇشىن پيك پەن ميب باسشىلارىنا 87 510 تەڭگەدەن 291 700 تەڭگەگە دەيىن ايىپپۇل سالىنادى. وسىعان ۇقساس بۇزۋشىلىققا جول بەرىلگەن جاعدايدا، ايىپپۇل مولشەرى 116 680 تەڭگەدەن 875 100 تەڭگەگە دەيىن ءوسۋى مۇمكىن.
ەلوردا تۇرعىندارى مەن قوناقتارى ءۇشىن ءقاۋىپسىز جانە جايلى ورتانى قامتاماسىز ەتۋ ماقساتىندا قاردى ۋاقىتىلى ارشۋ ماسەلەسى قالا اكىمدىگىنىڭ ەرەكشە باقىلاۋىندا.
ايتا كەتۋ كەرەك، ەلوردانىڭ كوممۋنالدىق قىزمەتتەرى قىسقى كەزەڭنىڭ باسىنان باستاپ كۇشەيتىلگەن رەجيمدە، تاۋلىك بويى جۇمىس ىستەيدى.