سوتتالۋشىعا بىردەن ق ر قىلمىستىق كودەكسىنىڭ بىرنەشە بابى بويىنشا ايىپ تاعىلدى
الماتىدا گاستروەنتەرولوگ يۋريي شۋمكوۆتىڭ ولىمىنە قاتىستى ءىس بويىنشا سوتتالۋشىعا جالپى 18 جىلعا باس بوستاندىعىنان ايىرۋ جازاسى تاعايىندالدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
"سوتتالۋشى نۇرجان تۇرسىنبايەۆقا بىردەن ق ر قىلمىستىق كودەكسىنىڭ بىرنەشە بابى بويىنشا جالپى 18 جىلعا باس بوستاندىعىنان ايىرۋ جازاسى تاعايىندالسىن"، - دەدى سۋديا ەركىن مايشىنوۆ.
سوتتالۋشىعا بىردەن ق ر قىلمىستىق كودەكسىنىڭ بىرنەشە بابى بويىنشا ايىپ تاعىلدى:
ق ر قىلمىستىق كودەكسىنىڭ 99-بابى 2-بولىگى («ادام ءولتىرۋ»)؛
ق ر قىلمىستىق كودەكسىنىڭ 115-بابى («قورقىتۋ»)؛
ق ر قىلمىستىق كودەكسىنىڭ 287-بابى، 2 جانە 3-بولىكتەرى («قارۋدى، وق-دارىلەردى، جارىلعىش زاتتاردى جانە جارىلعىش قۇرىلعىلاردى زاڭسىز الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ»)؛
ق ر قىلمىستىق كودەكسىنىڭ 291-بابى، 4-بولىگى، 2-تارماعى («قارۋدى، وق-دارىلەردى، جارىلعىش زاتتار مەن جارىلعىش قۇرىلعىلاردى ۇرلاۋ نەمەسە قورقىتىپ الۋ»)؛
380-باپتىڭ 1-بولىگى («بيلىك وكىلىنە قورقىتۋ نەمەسە كۇش قولدانۋ ارەكەتتەرى»).
قىلمىسكەر جازاسىن بارىنشا ءقاۋىپسى مەكەمەدە وتەيدى. ول مارقۇمنىڭ وتباسىنا 15 ميلليون تەڭگە وتەماقى تولەۋگە ءتيىس.
10 قاڭتار كۇنى گاستروەنتەرولوگ يۋريي شۋمكوۆتىڭ ولىمىنە قاتىستى ءىس بويىنشا وتكەن سوت وتىرىسىندا پروكۋرور ايىپتالۋشىنى قاتاڭ رەجيمدەگى مەكەمەدە 20 جىل باس بوستاندىعىنان ايىرۋدى سۇراعان ەدى.
بەلگىلى گاستروەنتەرولوگ يۋريي شۋمكوۆ 2022 جىلى 4 ساۋىردە الماتىداعى كولىك تۇراعىندا كىسى قولىنان قازا تاپتى. كەيىن پوليسيا قىلمىسكەردىڭ دارىگەرگە بىرنەشە رەت بارعان كليەنتى ەكەنىن انىقتاعان. دارىگەردى ولتىرگەنگە دەيىن ايىپتالۋشىمەن كەزدەسۋ تۋرالى يۋريي شۋمكوۆتىڭ ارىپتەسى دە ايتتى.
2022 جىلى 22 قاراشادا شۋمكوۆتىڭ جەسىرى سوتتا ءسوز سويلەدى. ول وتەماقى رەتىندە 105 ميلليون تەڭگە تالاپ ەتتى.
2023 جىلدىڭ 4 قاڭتارىندا سوت وتىرىسىندا سوتتالۋشى يۋريي شۋمكوۆتى قالاي اتقانىن ايتىپ بەردى. ال 6 قاڭتارداعى وتىرىستا ايىپتالۋشى دارىگەردىڭ اناسى مەن جەسىرىنىڭ مورالدىق جانە ماتەريالدىق شىعىندى وتەۋ تۋرالى تالابىن قابىلدادى.