قازاقستاننىڭ بارلىق اۋماعىندا تەلەراديوارنالاردى رەترانسلياسيالاۋ ۋاقىتشا توقتاتىلادى، دەپ حابارلايدى اlmaty-akshamy.kz «قازتەلەراديو» اق-عا سىلتەمە جاساپ.
قازتەلەراديونىڭ مالىمەتى بويىنشا، 18 قاڭتار، ساعات 03:00 - 17:00 ارالىعىندا جەرسەرىكتىك، سيفرلىق جانە انالوگتى ەفيرلىك جەلىلەردىڭ تەحنيكالىق قۇرالدارىنداعى سەرۆيستەر جابىلىپ، جوسپارلى پروفيلاكتيكالىق جۇمىستار جۇرگىزىلەدى.
وسىعان بايلانىستى قازاقستاننىڭ بارلىق اۋماعىندا تەلەراديوارنالاردى رەترانسلياسيالاۋ ۋاقىتشا توقتاتىلادى.
«قازتەلەراديو» اق توقسان سايىن جەرسەرىكتىك جانە ەفيرلىك جەلىلەردىڭ تەحنيكالىق قۇرالدارىندا سەرۆيستەردى جابا وتىرىپ، جوسپارلى-پروفيلاكتيكالىق جۇمىستار جۇرگىزەدى. بۇل جۇمىستار تەلەراديو حابارلارىن ساپالى تاراتۋدى قامتاماسىز ەتۋ ءۇشىن قاجەت. ال توقسان سايىنعى جوسپارلى پروفيلاكتيكالىق جۇمىستار سەرۆيستى ۇزاق ۋاقىت وشىرۋگە مۇمكىندىك بەرەدى. سوندىقتان وسى ۋاقىت ىشىندە تەحنيكالىق قۇرالداردى جاڭعىرتۋ بويىنشا قوسىمشا جۇمىستار جۇزەگە اسىرىلادى»، - دەپ حابارلادى "قازتەلەراديو".