اقش-تىڭ لەيك-پلەسيد قالاسىندا ءوتىپ جاتقان ءدۇبىرلى دودادا ەرلەر اراسىندا ەلىمىزدىڭ اتىنان ميحايل شايدوروۆ پەن دياس جيرەنبايەۆ سىنعا ءتۇستى
2023 جىلعى قىسقى ۋنيۆەرسيادانىڭ بەسىنشى جارىس كۇنىندە مانەرلەپ سىرعاناۋدان ەرلەر اراسىندا جەكەلەي سايىس ءوتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اقش-تىڭ لەيك-پلەسيد قالاسىندا ءوتىپ جاتقان ءدۇبىرلى دودادا ەرلەر اراسىندا ەلىمىزدىڭ اتىنان ميحايل شايدوروۆ پەن دياس جيرەنبايەۆ سىنعا ءتۇستى. قىسقا باعدارلامادا م.شايدوروۆ 6، د. جيرەنبايەۆ 16-شى ورىنعا يە بولدى.
وسىلايشا ولار ەركىن باعدارلامادا ويىن كورسەتۋگە مۇمكىندىك الدى.
ەركىن باعدارلامادا م.شايدوروۆ 156.03 بالل جيناپ، ءۇشىنشى ورىن الدى. قوسسايىستىڭ ناتيجەسىمەن ول 231.08 بالل ەنشىلەدى. بۇل وعان جۇلدەگەرلەر قاتارىنان كورىنۋگە مۇمكىندىك بەرگەن جوق. ناتيجەسىندە ءتورتىنشى ورىندى مىسە تۇتتى.
ال د.جيرەنبايەۆ ەركىن باعدارلامادا 135.52 ۇپاي جيناپ، 9-شى ورىنعا يە بولدى. ەكى سايىستىڭ قورىتىندىسىمەن ول 196.41 ۇپاي الىپ، 11ء-شى ورىنعا تۇراقتادى.
ايتا كەتسەك، م. شايدۋروۆ بىلتىر مانەرلەپ سىرعاناۋدان جاسوسپىرىمدەر اراسىنداعى الەم چەمپيوناتىنىڭ كۇمىس جۇلدەگەرى اتانعان ەدى.
ەسكە سالساق، ءدۇبىرلى دودادا 14 قاڭتاردا قازاقستاندىق بياتلونشى ۆاديم كۋرالەس 15 شاقىرىم قاشىقتىقتا جەكەلەي سىندا مارە سىزىعىن ءبىرىنشى بولىپ قيدى.