دارىگەر قىستا تۇتىنۋعا قاجەتتى ءونىمدى ايتتى

قىستا تاماقتانۋدىڭ 40 پايىزى ەتتى قۇراۋ كەرەك

قىس مەزگىلىندە تۇتىناتىن تاعامنىڭ شامامەن 40 پايىزى ەت بولۋى كەرەك. ونى جۇمىرتقا نەمەسە بالىقپەن دە الماستىرۋعا بولادى. ماسكەۋ دەنساۋلىق ساقتاۋ دەپارتامەنتىنىڭ ەرەسەك تۇرعىندارعا العاشقى مەديسينالىق-سانيتارلىق كومەك كورسەتۋ بويىنشا شتاتتان تىس باس مامانى اندرەي تياجەلنيكوۆ قىستا تۇتىنۋعا قاجەتتى ءونىم تۋرالى وسىنداي كەڭەس ايتتى. بۇل تۋرالى ريا نوۆوستي جازدى، دەپ حابارلايدى Almaty-akshamy.kz.

دارىگەردىڭ ايتۋىنشا، ەت تۇتىنۋ ادامعا قۋات بەرەدى، اععزانى بۇلشىقەت ءتىنىنىڭ جوعالۋىنان جانە جۇقپالى اۋرۋلاردان قورعايدى.

«ادام اعزاسىنا كليماتتىق جاعدايلاردىڭ وزگەرۋىن جەڭۋگە كومەكتەسۋ ءۇشىن اقۋىزدار، مايلار، كومىرسۋلار، دارۋمەندەر، مينەرالدار مەن تالشىقتاردى قۇرايتىن تەڭدەستىرىلگەن تاماقتانۋدى ۇستانۋ قاجەت. قىسقى تاعامدار تويىمدى جانە جوعارى كالوريالى بولۋى كەرەك»، - دەيدى تياجەلنيكوۆ.

ول مۇنداي راسيون كۇن ساۋلەسى مەن جىلۋدىڭ جەتىسپەۋشىلىگىمەن، سونداي-اق ۆيرۋستار مەن باكتەريالارعا قارسى تۇرۋ قاجەتتىلىگىمەن بايلانىستى ەكەنىن ءتۇسىندىردى.