ءماجىلىس دەپۋتاتى ەرمۇرات باپي «ەسكى قازاقستان» وكىلدەرىنىڭ الەۋمەتتىك جەلىلەر ارقىلى ارانداتۋشى اقپارات تاراتىپ، ەلدەگى جاعدايدى تۇراقسىزداندىرۋعا تىرىساتىنىن مالىمدەدى، دەپ حابارلايدى aqshamnews.kz
2024 جىلى ينتەرنەتتە زاڭسىز ارەكەتتەرگە، ونىڭ ىشىندە جاپپاي تارتىپسىزدىكتەرگە شاقىرعان دەسترۋكتيۆتى ماتەريالداردىڭ تارالۋى انىقتالدى. ۇقك جاۋابىندا مۇنداي مازمۇندى جاريالاعان 330 قولدانۋشى انىقتالىپ، ولاردىڭ 29-ىنىڭ قىلمىستىق، 30-ىنىڭ اكىمشىلىك جاۋاپكەرشىلىككە تارتىلعانى ايتىلدى. قالعاندارىنا قاتىستى الدىن الۋ شارالارى جۇرگىزىلدى.
ۇقك مالىمەتىنشە، ارانداتۋلاردىڭ ءبىر بولىگى داريعا نازاربايەۆانىڭ بەينەسىن اقپاراتتىق مانيپۋلياسيا قۇرالى رەتىندە پايدالانۋمەن بايلانىستى بولعان. ساياسي سيپاتتاعى مۇنداي ارەكەتتەر نەگىزىنەن ءانونيمدى تۇردە، شەتەلدىك پلاتفورمالار ارقىلى تاراتىلادى، بۇل جاۋاپتى تۇلعالاردى انىقتاۋدى قيىنداتادى.
دەپۋتاتتىڭ مالىمەتتەرى نازارعا الىنىپ، قوسىمشا اقپارات بولسا، ۇقك ولاردى حابارلاۋدى سۇرادى.