مەملەكەت باسشىسىنىڭ جارلىعىمەن نۇرالحان ورالباي ۇلى كوشەروۆ تۇركىستان وبلىسىنىڭ اكىمى لاۋازىمىنا تاعايىندالدى، دەپ حابارلايدى aqshamnews.kz اقوردانىڭ باسپا ءسوز قىزمەتىنە سىلتەمە جاساپ.
ن.كوشەروۆ 1984 جىلى دۇنيەگە كەلگەن. 2005 جىلى "ەكونوميست" ماماندىعى بويىنشا م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن بىتىرگەن. 2007 جىلى قازاق گۋمانيتارلىق زاڭ ۋنيۆەرسيتەتىن "زاڭتانۋ باكالاۆرى" ماماندىعى بويىنشا، 2019 جىلى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ ماگيستراتۋراسىن بىتىرگەن.
- ەڭبەك جولىن 2005 جىلى باستاعان. 2008 جىلدان باستاپ 2015 جىلعا دەيىن مەملەكەتتىك كىرىستەر ورگاندارىندا ءتۇرلى لاۋازىمداردا جۇمىس ىستەدى. 2015-2018 جىلدارى شىمكەنت قالاسى اكىمىنىڭ ورىنباسارى بولدى.
- 2018 جىلدان 2021 جىلدىڭ 29 قىركۇيەگىنە دەيىن شىمكەنت قالاسى بويىنشا مەملەكەتتىك كىرىستەر دەپارتامەنتىنىڭ باسشىسى بولىپ جۇمىس ىستەدى.
- 2021 جىلدىڭ 30 قىركۇيەگىنەن باستاپ اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى قىزمەتىن اتقاردى.
ەستەرىڭىزگە سالا كەتەيىك، بۇعان دەيىن مەملەكەت باسشىسىنىڭ جارلىعىمەن دارحان امانگەلدى ۇلى ساتىبالدى قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلعانى تۋرالى جازعانبىز.