ۇقك شەكارا قىزمەتى 2024 جىلى مەملەكەتتىك شەكارانى كۇزەتۋ مەن قورعاۋدى قامتاماسىز ەتۋ اياسىندا قۇزىرلى ورگاندارمەن ءوزارا ارەكەتتەسە وتىرىپ، ءبىرقاتار ماڭىزدى ءىس-شارالاردى جۇزەگە اسىردى، دەپ حابارلايدى aqshamnews.kz ۆەدومستۆونىڭ باسپا ءسوز قىزمەتىنە سىلتەمە جاساپ.
بۇل جىلدا كەلەسى ناتيجەلەرگە قول جەتكىزىلدى:
-
شەكارا كەڭىستىگىندە قازاقستان رەسپۋبليكاسىنىڭ زاڭنامالارىن بۇزعانى ءۇشىن 55 مىڭنان استام ادام جاۋاپكەرشىلىككە تارتىلدى، سونىڭ ىشىندە:
- 324 شەتەل ازاماتى شەكارانى بۇزعانى ءۇشىن ۇستالدى؛
- 383 شەتەل ازاماتىنىڭ شەكارانى بۇزۋ ارەكەتتەرىنىڭ جولى كەسىلدى.
-
مەملەكەتتىك شەكارا ارقىلى 15 041 زاڭسىز الىپ ءوتۋ فاكتىسى الدىن الىندى، سونىڭ ىشىندە:
- 451 ەسىرتكى زاتتارى (2 توننا 300 كگ استام)؛
- 886 قارۋ مەن وق-دارىلەر؛
- 455 ءدىني ادەبيەت (24 087 دانا)؛
- 5 283 جانار-جاعارماي ماتەريالدارى، جالپى سوماسى 160 ملن تەڭگەدەن اساتىن؛
- 6 086 حالىق تۇتىنۋ تاۋارلارى، جالپى سوماسى 70 ملرد تەڭگەدەن استام؛
- 1 880 شەتەل ۆاليۋتاسى، جالپى سوماسى 19 ملرد تەڭگەدەن استام.
-
كاسپيي اكۆاتورياسىندا 390 براكونەرلىك فاكتىسى الدىن الىندى، سونىڭ ىشىندە:
- 196 دانا ءجۇزۋ قۇرالدارى؛
- 536 كم توردى قۇرايتىن براكونەرلىك اۋلاۋ قۇرالدارى؛
- 1 994 دانا بەكىرە تۇقىمداس بالىقتار (11 379 كگ)؛
- 87 814 دانا ۇساق تۇقىمداس بالىقتار (98 296 كگ)؛
- 117 دانا يتبالىعى.
الدى الىنعان زالال سوماسى 4،6 ملرد تەڭگە قۇرادى.
بۇل فاكتىلەر بويىنشا بارلىق ماتەريالدار بۇزۋشىلاردى جاۋاپكەرشىلىككە تارتۋ ءۇشىن قۇقىق قورعاۋ جانە سوت ورگاندارىنا جىبەرىلدى.