جۇمىس ساپارى بارىسىندا دارحان ساتىبالدى مەدەۋ اۋدانىندا ورنالاسقان جانە 590 نىساندى جىلۋمەن قامتاماسىز ەتەتىن وڭتۇستىك-شىعىس اۋداندىق قازاندىعىنىڭ الداعى قىسقا دايىندىعىمەن تانىستى. نەگىزگى وتىن ءتۇرى – تابيعي گاز، قۋاتى – 208 گكال/ساع.
بۇدان كەيىن الماتى اكىمى جەو-2-گە باردى. بۇل نىسان قالانىڭ ەڭ ءىرى جىلۋ كوزى. ونىڭ قۋاتى – 1411 گكال/ساع. جىلۋدىڭ ۇزدىكسىز بەرىلۋىن 664 قىزمەتكەر قامتاماسىز ەتەدى. بۇگىنگى تاڭدا كاسىپورىندا جوندەۋ جۇمىستارى اياقتالۋعا جاقىن، دايىندىق دەڭگەيى شامامەن 80%. جەو-2 وكىلدەرى بارلىق جۇمىس ۋاقىتىندا اياقتالاتىنىنا سەندىردى.
سونىمەن قاتار دارحان ساتىبالدى جەو-1ء-دىڭ جۇمىسىمەن تانىستى. بۇگىنگى كۇنى نىسان تولىقتاي گازبەن جۇمىس ىستەيدى. ونىڭ قۋاتى – 1203 گكال/ساع. كاسىپورىن قالانىڭ ورتالىق جانە شىعىس بولىگىن جىلۋمەن قامتاماسىز ەتەدى. مۇندا 357 ادام ەڭبەك ەتەدى. جىلۋمەن قامتاماسىز ەتۋ نىسانىنداعى جوندەۋ جۇمىستارىنىڭ باسىم بولىگى اياقتالعان، تولىقتاي اياقتالۋ مەرزىمى – 30 قىركۇيەك. وسىدان كەيىن جەو-1 قىس مەزگىلىنە تولىق دايىن بولادى.
الماتى قالاسىنىڭ اكىمى الداعى جىلۋ بەرۋ ماۋسىمىنا دايىندىق جۇمىستارىن قاتاڭ باقىلاۋدا ۇستاپ، بەلگىلەنگەن مەرزىمدى ساقتاۋدى تاپسىردى.