الماتىدا ق ر ساۋدا جانە ينتەگراسيا مينيسترلىگى ۇيىمداستىرعان «بەرەكە Fest» رەسپۋبليكالىق اكسياسى اياسىندا «دەمالىس كۇنى» جارمەڭكەلەرى جالعاسىپ جاتىر. اكسيا اياسىندا بالعىن كوكونىستەر، جەمىستەر، ەت جانە باسقا دا كۇندەلىكتى قاجەت ونىمدەر نارىق باعاسىنان 10-15% ارزان ساتىلادى.
اتاپ ايتساق،
- سيىر ەتىنىڭ ءبىر كەلىسى 2950 تەڭگەدەن،
- قوي ەتى 2500 تەڭگەدەن،
- تاۋىق ەتى 1100 تەڭگەدەن،
- كۇنباعىس مايى 800 تەڭگەدەن،
- جۇمىرتقا 500 تەڭگەدەن،
- كارتوپ 190 تەڭگەدەن،
- ءسابىز 180 تەڭگەدەن،
- قىرىققابات 13 تەڭگەدەن،
- قىرىققابات 100 تەڭگەدەن ساتىلۋدا. الداعى دەمالىس كۇندەرى شامامەن 700 توننا ءونىم ساتىلماق.
جارمەڭكەلەردى «الماتى «الەۋمەتتىك-كاسىپكەرلىك كورپوراسياسى» («الماتى» اكك) ۇيىمداستىرىپ كەلەدى. جىل باسىنان بەرى الماتىدا 311 جارمەڭكە ءوتتى، وندا 300-دەن استام فەرمەر 20،8 مىڭ تونناعا جۋىق 1 000-نان استام ءتۇرلى اۋىل شارۋاشىلىعى ونىمدەرىن ساتقان ەدى. كەلۋشىلەر فەرمەرلىك ونىمدەردى دەلدالسىز، وندىرۋشىلەردەن تىكەلەي قولجەتىمدى باعامەن ساتىپ الاتىن بولادى.
جارمەڭكەلەر قالانىڭ كەلەسى اۋداندارىندا ءار سەنبى جانە جەكسەنبى كۇندەرى ساعات 09:00-دەن 18:00-گە دەيىن وتەدى. المالى اۋدانى: ابىلاي حان داڭعىلى، قازىبەك بي كوشەسىنىڭ قيىلىسى (تۇركىستان وبلىسىنان اۋىل شارۋاشىلىعى تاۋارىن وندىرۋشىلەردىڭ كەڭەيتىلگەن جارمەڭكەسى)؛ المالى اۋدانى: ماسانچي كوشەسى، گوگول كوشەسى مەن ايتەكە بي كوشەسى اراسىندا؛ بوستاندىق اۋدانى: «قازاقفيلم» ش/ا، يسينالييەۆ كوشەسى؛ اۋەزوۆ اۋدانى: وتەگەن باتىر كوشەسى-اباي داڭعىلىنان تومەن؛ مەدەۋ اۋدانى: مەڭدىقۇلوۆ بۋلۆارى-بەكتۇروۆ كوشەسىنىڭ قيىلىسى؛ جەتىسۋ اۋدانى: «قۇلاگەر ش/ا»، سەرىكوۆ كوشەسى، 2.
بۇدان بولەك، الماتى قالاسى كاسىپكەرلىك جانە ينۆەستيسيالار باسقارماسى الماتى قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىمەن، «الماتى» اكك جانە الماتى قالاسى ستاتيستيكا دەپارتامەنتىمەن بىرلەسىپ كاسىپكەرلەرگە ساۋدا زاڭناماسىن مۇلتىكسىز ساقتاۋ بويىنشا مونيتورينگتىك ءىس-شارالار مەن ءتۇسىندىرۋ جۇمىستارىن جۇرگىزۋدە.