دارحان ساتىبالدى جەتىسۋ اۋدانىنداعى جولايرىقتى كەشىكتىرمەي پايدالانۋعا بەرۋدى مىندەتتەدى، - دەپ حابارلايدى aqshamnews.kz.
الماتى قالاسىنىڭ اكىمى دارحان ساتىبالدى جۇمىس ساپارىمەن جەتىسۋ اۋدانىن ارالادى. ءىسساپار "ساياحات" ىقشاماۋدانىنداعى ەمحانانىڭ عيماراتىن ارالاۋدان باستالدى. بۇل نىساندا كۇردەلى جوندەۋ جۇمىستارى جۇرگىزىلگەن بولاتىن.
كەيىن قالا باسشىسى جانسۇگىروۆ كوشەسى مەن سەيفۋللين داڭعىلىنىڭ قيىلىسىندا سالىنىپ جاتقان جولايرىقتىڭ قۇرىلىس بارىسىمەن تانىستى. قازىرگى تاڭدا نىساننىڭ 95%-ى دايىن. توننەلدەر، گيدرووقشاۋلاۋ، اسفالتتاۋ مەن تەمىربەتون قۇرىلىمدارى تولىق اياقتالىپ، توننەل ارقىلى كولىك قوزعالىسى اشىلعان. نىساندى پايدالانۋعا بەرۋ 2025 جىلعى ماۋسىمعا جوسپارلانعان بولاتىن.
سونىمەن قاتار اۋدان اكىمدىگى اۋماقتى اباتتاندىرۋ جۇمىستارىن جۇرگىزۋدە: برۋسچاتكا توسەلىپ، قورشاۋلار ورناتىلۋدا، شاعىن ساۋلەت نىساندارى، جارىقتاندىرۋ ەلەمەنتتەرى مەن بەينەباقىلاۋ جۇيەلەرى قويىلادى. اعاش وتىرعىزىلىپ، قوعامدىق كەڭىستىك جاساقتالادى.
ءىسساپارداعى كەلەسى نىسان "گۇلدەر" ساياباعى بولدى. بۇل جەردە "حالىق قاتىساتىن بيۋدجەت" باعدارلاماسى اياسىندا اعىمداعى جوندەۋ جۇمىستارى جۇرگىزىلۋدە. كوپجىلدىق جانە مەرزىمدىك گۇلدەر وتىرعىزىلىپ، اۆتوماتتى سۋارۋ جۇيەسى ورناتىلعان، قورشاۋ جوندەلىپ، ۇڭعىمالار قازىلعان. الداعى ۋاقىتتا گۇل اركالارى مەن لاۆاندا القابىن جاساۋ، ساندىك توعاندار سالۋ، گازون ەگۋ، جارىقتاندىرۋ مەن بەينەباقىلاۋ ورناتۋ جوسپارلانعان.
"جاسىل ايماقتاردى اباتتاندىرۋعا كەشەندى تۇردە قاراپ، وتىرعىزىلعان اعاشتار، بۇتالار مەن گۇل كومپوزيسيالارىن كۇتىپ-باپتاۋ ءۇشىن ساپالى اۆتوماتتى سۋارۋدى قامتاماسىز ەتۋ قاجەت"، – دەپ تاپسىردى دارحان ساتىبالدى.
ساپار بارىسىندا قالا اكىمى "قۇلاگەر" ىقشاماۋدانىنداعى اۋلا اۋماقتارىنىڭ اعىمداعى جوندەۋ جۇمىستارىمەن دە تانىستى. بۇل ىقشاماۋداندا 86 كوپقاباتتى تۇرعىن ءۇي مەن 32 اۋلا بار، ولاردىڭ 28ء-ى بيىل جوندەلەدى. جوندەۋ جۇمىستارىن 2025 جىلعى قىركۇيەك ايىنىڭ سوڭىنا دەيىن اياقتاۋ جوسپارلانعان.
جۇمىس ساپارىنىڭ سوڭعى نىسانى وماروۆ كوشەسى بولدى. مۇندا ۇزىندىعى 900 مەتردەن اساتىن كارىز جەلىلەرى تارتىلىپ، 41 قۇدىق ورناتىلعان. اسفالت جابىندىسىن 2025 جىلعى ماۋسىم ايىنىڭ سوڭىنا دەيىن قالپىنا كەلتىرۋ جوسپارلانۋدا. جالپى جوبا بويىنشا جۇمىستار 30%-عا ورىندالدى: 15 كوشەدە ينجەنەرلىك جەلىلەر ەنگىزىلگەن، الايدا، جۇمىس قارقىنى جەتكىلىكسىز. قالا اكىمى جوبانى جۇزەگە اسىرۋدى جەدەلدەتۋ قاجەتتىگىنە نازار اۋداردى.
ساپار قورىتىندىسى بويىنشا، دارحان ساتىبالدى جولايرىق پەن وعان ىرگەلەس اۋماقتاردى اباتتاندىرۋدى بەلگىلەنگەن مەرزىمدە اياقتاۋدى، ينجەنەرلىك جەلىلەردى تارتۋ جۇمىسىن جەدەلدەتۋدى جانە اۋدان تۇرعىندارى ءۇشىن اۋلا جوندەۋ جۇمىستارىن ساپالى جۇرگىزۋدى تاپسىردى.