الماتىنىڭ بوستاندىق اۋدانىندا 1 قىركۇيەككە دەيىن ەكى كوشەدە كولىك قوزعالىسى ءىشىنارا شەكتەلەدى، - دەپ حابارلادى aqshamnews.kz.
الداعى جىلىتۋ ماۋسىمىنا دايىندىق اياسىندا الماتى قالاسىنىڭ بوستاندىق اۋدانىندا 1984 جىلى پايدالانۋعا بەرىلگەن شامامەن 2،7 شاقىرىم جىلۋ ماگيسترالىن اۋىستىرۋ كوزدەلىپ وتىر. وسىعان بايلانىستى قالانىڭ ەكى كوشەسىندە كولىك قوزعالىسى ۋاقىتشا شەكتەلەدى.
10 ماۋسىمنان باستاپ 1 قىركۇيەككە دەيىن كولىك قوزعالىسى قوجانوۆ كوشەسىنىڭ بويىمەن گاگارين كوشەسىنەن باستاپ جاروكوۆ كوشەسىنە دەيىن، سونداي-اق، جاروكوۆ كوشەسىنىڭ بويىمەن قوجانوۆ كوشەسىنەن باستاپ دۋنايەۆسكايا كوشەسىنە دەيىن وڭتۇستىك باعىتتا كولىك قوزعالىسى شەكتەلەدى. سولتۇستىك باعىتتا كولىك قوزعالىسى ەكى باعىتتا ۇيىمداستىرىلادى.
ۋاقىتشا شەكتەۋلەر كورسەتىلگەن كوشە ۋچاسكەسىنىڭ جۇرگىن بولىگىنىڭ استىمەن وتەتىن ماگيسترالدىق قۇبىر جەلىسىنىڭ جوسپارلى قايتا قۇرۋ جۇمىستارىنىڭ قاۋىپسىزدىگىن قامتاماسىز ەتۋ ماقساتىندا ەنگىزىلەدى.
بۇل كەزەڭدە تۇتىنۋشىلارعا ىستىق سۋ بەرۋ ۇزىلمەيدى.
بۇل جىلۋ قۇبىرى 97 كوپقاباتتى تۇرعىن ءۇيدى، 12 جەكە تۇرعىن ءۇيدى، 4 بالاباقشانى، 2 مەديسينالىق مەكەمەنى جانە 27 وزگە دە نىساندى جىلۋ ەنەرگياسىمەن جانە ىستىق سۋمەن قامتاماسىز ەتەدى.
جالپى، بيىل قالا بويىنشا 39 كم جىلۋ جەلىسىن قايتا جاڭعىرتۋ جوسپارلانعان. بۇل توزۋ دەڭگەيىن 54%-عا دەيىن ازايتۋعا مۇمكىندىك بەرەدى.
ەسكە سالامىز، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە ورنالاستىرىلعان.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى سۇرايمىز.