2021 جىلعى 21 قازاندا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ باسقارما توراعاسى-رەكتورى دارحان ءبىلالوۆ قازاقستانداعى تۇركيا رەسپۋبليكاسىنىڭ باس كونسۋلى الي رىزا اقىندجىمەن كەزدەستى، دەپ حابارلايدى almaty-akshamy.kz
كەزدەسۋگە قازاقستانداعى تۇركيا رەسپۋبليكاسى باس كونسۋلدىعىنىڭ ءبىلىم بەرۋ جونىندەگى اتتاشەسى ماحمۋت اگىرمان جانە اباي ۋنيۆەرسيتەتىنىڭ ستراتەگيا، سيفرلاندىرۋ جانە ينتەرناسيونالداندىرۋ جونىندەگى پرورەكتورى اقتولقىن قۇلسارييەۆا قاتىستى.
كەزدەسۋ بارىسىندا رەكتور دارحان ءبىلالوۆ اباي اتىنداعى قازۇپۋ-دىڭ تۇرىك ۋنيۆەرسيتەتتەرىمەن ىنتىماقتاستىعى جايىندا، قانداي باعىتتاردا بىرلەسكەن جۇمىستار جۇرگىزىلىپ جاتقانى تۋرالى قىسقاشا اقپارات بەرىپ، اباي ۋنيۆەرسيتەتى جوعارى وقۋ ورىندارى اراسىنداعى ەكىجاقتى حالىقارالىق ىنتىماقتاستىقتى دامىتۋعا جانە نىعايتۋعا باسا كوڭىل بولەتىنىن جانە بارلىق تۇرىك جوعارى وقۋ ورىندارىمەن سەرىكتەستىك بايلانىستاردى جوسپارلى تۇردە كەڭەيتۋگە دايىن ەكەنىن اتاپ ءوتتى.
الي رىزا اقىندجى تۇركيا رەسپۋبليكاسى مەن قازاقستان رەسپۋبليكاسى ۋنيۆەرسيتەتتەرى اراسىنداعى ىنتىماقتاستىقتى دامىتۋدى جالعاستىرۋدىڭ ماڭىزدىلىعىن اتاپ ءوتتى. سونىمەن قاتار اباي اتىنداعى قازۇپۋ-مەن تۇرىك ۋنيۆەرسيتەتتەرىنىڭ بىرلەسكەن جۇمىسىن جالعاستىرۋدا تۇركيا رەسپۋبليكاسىنىڭ باس كونسۋلدىعىنان تولىق قولداۋ كورسەتەتىندىگىن اتاپ ءوتتى.
كەزدەسۋ سوڭىندا الي رىزا اقىندجى اباي اتىنداعى قازۇپۋ قىزمەتكەرلەرى مەن ستۋدەنتتەرىن الماتى قالاسىندا وتەتىن تۇرىك فيلمدەر فەستيۆالىنە شاقىردى. تاراپتار الداعى جەمىستى جۇمىستاردىڭ جۇزەگە اساتىنىنا سەنىم ءبىلدىردى.