بۇل تۋرالى الماتى قالاسى ونكولوگيالىق ورتالىعىنىڭ ديرەكتورى نۇرسۇلتان ىزباعامبەتوۆ وڭىرلىك كوممۋنيكاسيالار قىزمەتى الاڭىندا وتكەن ونلاين بريفينگتە ايتتى، دەپ حابارلايدى almaty-akshamy.kz Baq kz سىلتەمە جاساپ.
دارىگەر الماتىداعى ونكولوگيالىق اۋرۋلاردى ەمدەۋدەگى قولجەتىمدىلىك تۋرالى ايتا كەلە، بيىل قاتەرلى ىسىكتى ەرتە كەزەڭىندە انىقتاۋ كورسەتكىشى ارتقانىن جەتكىزدى.
بيىلعى 9 ايدا ورتالىقتا 13 256 ناۋقاس ەمدەلدى. بىلتىرعى كورسەتكىشپەن سالىستىرعاندا، ناۋقاستار سانى 15 پايىزعا كوبەيدى. ءبىر قۋانتارلىعى، قاتەرلى ىسىكتەن بولاتىن ءولىم-جىتىم 10 پايىزعا ازايدى. بۇل، بىرىنشىدەن، ەم الىپ جاتقان ناۋقاستار سانىنىڭ كوبەيۋىنە بايلانىستى. ەكىنشى جاعىنان، ىسىكتى ەرتە كەزەڭىندە انىقتاپ، ەمدى ەرتەرەك باستاۋىنان، - دەدى ول.
سونىمەن قاتار ول قاتەرلى ىسىككە شالىنعاندار اراسىندا ءومىر ءسۇرۋ جاعدايى ۇزارعانىن ايتتى.
ماسەلەن، اۋىرعان ساتىنەن بەرى 5 جىل ۋاقىتتان بەرى ەم الىپ كەلە جاتقان ناۋقاستار سانى 54%-دان استى. ستاتيستيكا بويىنشا، الماتىدا جىلىنا 4 مىڭ ادام قاتەرلى ىسىكپەن اۋىرادى. ءبىراق ەمىن الىپ، جۇمىسىن جالعاستىرىپ جاتقانداردىڭ سانى ءقازىر 27 مىڭعا جەتتى، - دەيدى ورتالىق ديرەكتورى.
بارلىق قۇقىقتار قورعالعان. baq.kz بەلسەندى سىلتەمەنى پايدالانىڭىز: https://baq.kz/news/othernews/almatyda-zhylyna-4-myn-adam-katerli-isikpen-auyrady/