كاراتە سپورتىنان جەكپە-جەكتەر وتۋدە.
بۇگىن 67 كەلىگە دەيىنگى سالماقتا قازاقستان كومانداسىنىڭ ۇزدىگى دارحان ءاسادىلوۆ سىنعا تۇسۋدە، دەپ حابارلايدى Almaty-akshamy.kz Olympic.kz-كە سىلتەمە جاساپ.
توكيو وليمپياداسىنىڭ باعدارلاماسىنا العاش ەنگىزىلگەن سپورت تۇرىنەن تۇڭعىش جەڭىمپازدار مەن جۇلدەگەرلەر انىقتالادى.
جارىس ەرەجەسى بويىنشا سپورتشىلار ا جانە ۆ توبىنا بولىنگەن. ءار توپتاعى بەس سپورتشى بىر-بىرىمەن ءوزارا كەزدەسۋلەر وتكىزىپ، ەڭ كوپ ۇپاي جيناعان ەكى كاراتەشى جارتىلاي فينالعا جولداما الادى.
وتانداسىمىز دارحان ءوز توبىنداعى العاشقى جەكپە-جەكتە تۇركيالىق ەراي سامدانمەن كەزدەسىپ، 6:2 ەسەبىمەن جەڭىسكە جەتتى. ال ەكىنشى جەكپە-جەگىندە ءازىربايجاندىق فيردوۆسي فارزالييەۆپەن كەزدەسىپ، تاعى دا 6:2 ەسەبىمەن باسىم ءتۇستى.
جەرلەسىمىز ءوز توبىندا 4 ۇپاي جيناپ، كوش باسىندا تۇر.
سونداي-اق، كاراتەدەن توكيو وليمپياداسىندا قازاقستان نامىسىن بەس سپورتشى قورعايدى.