«قازاۆتوجول» ۇلتتىق كومپانياسىنىڭ باسقارما ءتوراعاسى دارحان يماناشيەۆ «كوكشەتاۋ-استانا» باعىتىنداعى اقىلى جولدىڭ زاماناۋي دارەتحاناسى دەمالىس كۇنى نەگە جابىق بولعانىن ءتۇسىندىردى، دەپ حابارلايدى اlmaty-akshamy.kz.
ۇلتتىق كومپانيا باسشىسىنىڭ ايتۋىنشا، استانا مەن كوكشەتاۋدىڭ اراسىندا ءتورت جەردە زاماناۋي دارەتحانا بار ەكەنىن باياندادى.
«جاعداي بىلاي بولدى. دەمالىس كۇندەرى جولدىڭ بويىندا تۋريستەر وتە كوپ بولدى جانە اجەتحانالارعا ءجيى بارا باستادى. سول سەبەپتەن توك ماسەلەسى تۋىنداپ، ناسوستىڭ روزەتكاسى بالقىپ كەتكەننەن كەيىن ول اجەتحانا جۇمىس ىستەي المادى. سول ءبىر ساعاتتىڭ ىشىندە مەردىگەر روزەتكانى اكەلىپ، اۋىستىرعاننان كەيىن ناسوستى قوستى. سول 40 مينۋت، 1 ساعاتتىڭ كولەمىندە جاڭاعىداي اجيوتاج بولدى»، - دەدى «قازاۆتوجول» باسشىسى ۇكىمەت وتىرىسىنان كەيىن ءوتىپ جاتقان باسپا ءسوز ءماسليحاتىندا..
سونداي-اق، ول جول بويىنداعى دارەتحانالاردىڭ ۇزدىكسىز جۇمىسى ءبىرىنشى كەزەكتە جولاۋشىلاردىڭ ۇقىپتىلىعىنا بايلانىستى دەپ ەسەپتەيتىنىن ايتتى.
«تۋرا وسىنداي ماسەلە دەمالىس كۇندەرى جەتىسۋ وبلىسىندا دا بولعان. پايدالانۋشى دارەتحاناعا جايالىق تاستاعان. سونىڭ سالدارىنان بىتەلىپ قالدى دا، اجەتحانا جارتى كۇن جابىق تۇردى. سونداي وقيعالار كوپ بولادى. كوبى پايدالانۋشىلارعا بايلانىستى»، - دەدى دارحان يماناشيەۆ.
ايتا كەتۋ كەرەك، دەمالىس كۇندەرى الەۋمەتتىك جەلى قولدانۋشىلارى كوكشەتاۋ-استانا باعىتىنداعى اقىلى جولدىڭ زاماناۋي دارەتحاناسى جابىق تۇرعانىن ايتىپ، شاعىمدانعان ەدى.