بۇعان دەيىن بوكسشى الەم چەمپيونى اتاعىنان ايرىلعانىن بولاتىن
قازاقستاندىق كاسىپقوي بوكسشى دانيار ەلەۋسىنوۆ مانسابىنا مەنەدجەرلەر كەدەرگى كەلتىردى دەپ سانايدى. بۇل تۋرالى Almaty-akshamy.kz قازاقپاراتقا سىلتەمە جاساپ حابارلايدى.
31 جاستاعى سپورتشى الەمگە ايگىلى بوكس پروموۋتەرى ەددي حيرننەن كەتىپ، زيا الييەۆپەن جۇمىس ىستەي باستادى. ەلەۋسىنوۆ ەكى جىلدا ءبىر عانا جەكپە-جەك وتكىزدى، ءبىراق بۇل جەكپە-جەك چەمپيوندىق بەلدەسۋ بولعان بولاتىن. 2021 جىلدىڭ جەلتوقسانىندا ول IBO نۇسقاسى بويىنشا الەم چەمپيونى بەلبەۋىن جەڭىپ الدى، تيتۋلىنان ايرىلدى، دەپ جازدى Sports.kz.
«بۇل - مەنىڭ مەنەدجەرلەرىمنىڭ كىناسى. ولار ەدديمەن ءارى قاراي جۇمىس ىستەۋدەن باس تارتتى. سودان كەيىن مەنى جەكپە-جەككە شىعارماي ۇستادى»، - دەدى ەلەۋسىنوۆ.
سوڭعى جەكپە-جەگىندە ەلەۋسىنوۆ ارگەنتينالىق حۋان ەرنان لەاونى (15-1، 4 كو) جەڭدى.
بۇعان دەيىن بوكسشىنىڭ الەم چەمپيونى اتاعىنان ايىرىلعانىن حابارلاعان بولاتىنبىز. ارتىنشا دانيار ەلەۋسىنوۆ بوكس ونشا ۇنامايتىنىن ايتىپ، سپورتتىق ءمانسابىن اياقتاۋىنا بايلانىستى پىكىر ءبىلدىردى.